LUKAS 9:19 - Alkitab Singog In Mongondow Masa In Tanaa

¹⁹ Dá mosia in notubag, “Oyúon in noguman ki Yohanes Mobobaptis. Oyúon doman in noguman ki Elia, ibanea doman in noguman tobatú nabi tungkuḷ intua bo nobiag bui.”

LUKAS 9:19 Iomraidhean Croise

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

MATIUS 14:2

Dá sia in noguman kon pogawainea mita, “Notantúbí in naa kon ki Yohanes mobobaptis in nobiagdon! Tuamai in oyúondon in kawasa kon i-Nia mogaid kon inta mokoherang.”

MATIUS 3:1

Kon wakutu intua ki Yohanes Mobobaptis namangoidon kon padang gurun Yudea, bo nopoyaput in koyow nanaa,

MARKUS 6:14

Habar mita soaḷ bayongan inta nobaḻí tua noiyaput domandon kon i Datu Herodes, sin tangoi i Yesus kinotaauandon totok in intau kon ondakadon. Oyúon in noguman, “Ki Yohanes Mobobaptis in nobiagdon bui! Tuamai oyúon in kawasa-Nea mogaid kon inta mokoherang.”

MARKUS 6:15

Táe oyúon doman intau ibanea in noguman, “Sia nion ki Elia.” Oyúon in noguman, “Sia tua in tobatú nabi naonda bo tobatú nabi mita tungkuḷ intua.”

LUKAS 9:18

Kon singgai tobatú, wakutu in ki Yesus yogot nosambayang, murí-Nea mita namangoi kon i-Nia. Dá ki Yesus in noḻibó kon i monia, “Aka podudui guman in intau, yo ki ine in Akuoi naa?”

LUKAS 9:20

Ki Yesus in noḻibó bui kon i monia, “Aka podudui in raian monimu, yo ki ine in Akuoi naa?” Dá ki Petrus in notubag, “Ki Amá in Datu Mopoposaḷamat inta pinodandi i Allah.”

YOHANES 1:21

Dá bui iḻibó monia, “Aka natua, yo ki ine iko? Ki Elia degá iko?” Tubagnea: “Deeman”. “Tobatú nabi degá?” iḻibó bui monia. Táe ki Yohanes in notubag doman: “Deeman”.

YOHANES 1:25

noḻibó kon i Yohanes nanaa: “Aka iko deeman Datu Mopoposaḷamat, deeman ki Elia, bo deeman doman tobatú nabi, yo nongonu sin iko i mobaptisbí?”

YOHANES 7:40

Nobayong intau in nokodongog kon onu in siningog i Yesus, bo kon sigad monia tua oyúon in noguman, “Intau tanion in totu-totuubí kon nabi inta pinodandi mamangoi tua!”

YOHANES 9:17

Dá intau mita in Parisi in noḻibó bui kon intau tatua, “Aka podudui in raianmu, yo naonda in soaḷ Sia inta nongundam kon matamu nion?” “Sia tua in nabibí,” tubag in intau tatua.