LUKAS 9:12 - Alkitab Singog In Mongondow Masa In Tanaa

¹² Naonda in noungkoḷomdon in singgai, namangoidon kon i-Nia in murí-Nea inta mopuḷú bodoyowá tatua bo noguman, “Pak Guru, poki pobuiaidon in intau mita tanion sinbá motaaupa in mosia motayak kon pongaanan bo pogogaian monia kon ḻipú inta nodiugmai kon naa, sin noyayú bo noitontaní totok in tampat naton naa.”

LUKAS 9:12 Iomraidhean Croise

YEHEZKIEL 34:25

Akuoi in momiabí kon dodandian takin i monia, inta noḷukad kon kobiagan monia. Untunon-Kubí in bayongan mahaḷuk moraat nongkon sinangkub in butá, dá domba-Ku mita in mogutun moodom kon rawang mita bo mosiug kon kayuon mita.

HOSEA 13:5

Kon butá nobota-botak kon padang gurun, Akuoibí in noḷukad kon i monimu.

MATIUS 14:13

Naonda in ki Yesus nokodongog kon habar tatua, Sia nonaḷámaidon kon tampat tatua bo iyumayú, sinumakoi in Sia kon uangga bo minayá in tampat inta noingongow. Táe naonda in kinodongogan in intau moantó nomatuk in mosia, táe nongin toba nongkon ḻipú mita monia.

MATIUS 15:23

Tongá diá sinubagan i Yesus in sia, bo murí-Nea mita in namangoi bo noguman kon i-Nia, “Pokibayáaidon mako in sia, sin sia in umuran doman mako dumudui kon i naton bo momaḷú!”

MATIUS 15:32

Ki Yesus nogoiní kon murí-Nea mita bo noguman, “Akuoi motabi totok in mokoontong kon intau mita tanion. Mosia aindon toḷu nosinggai in dinumudui kon i-Nakó bo mosia in diá nodia kon kaanon. Akuoi in doíbí mopobui kon i monia kon dodai in mosia gogoyon, sin dikabo moumpag kon daḷan.”

LUKAS 9:11

Táe naonda in kinotaauan in intau mobayong tatua, dinuduian monia in Sia. Dá pinomayá-Neadon mako mosia in dinumudui kon i-Nia. Kon tua ki Yesus nopoyaput in Habar kon naonda in ki Allah momarenta saḷaku Datu bo nongundam doman kon intau mita inta notakit kon tua.

LUKAS 9:13

Táe ki Yesus in noguman kon i monia, “Moikobí in mobogoi in kaanon kon i monia tua.” Dá kai monia doman, “Kon inami tongá oyúon in roti ḻima bo toyá doyowa. Koḻikudbí in aka mayá motaḷui in kami dá oyúon in ogoi kaanon monia?”

YOHANES 6:1

Nopaḷut mako kon tua ki Yesus minayá in ḷoḷan Danow Galilea inta sinangoian Danow Tiberias.

PILIPI 1:19

sin kinotaauankubí kon barakat in sambayang mita monimu takin totuḷung doman in Roho i Yesus Kristus, dá mobebasbí in akuoi.