LUKAS 9:10 - Alkitab Singog In Mongondow Masa In Tanaa

¹⁰ Bo naonda in rasuḷ mita inta pinotabá i Yesus nobuidon mangoi, inouman monia kon i Yesus in onu inta ain pinomia monia. Dá dinia i Yesus in mosia minayá sinumontaní kon tobatú kotá, tangoinea kotá in Betsaida. Tongá ki Yesus bo murí-Nea mita in kon tua.

LUKAS 9:10 Iomraidhean Croise

ZAKHARIA 1:10

Mosia in pinotabá mangoi i Tuhan sin monaridi kon butá.”

MATIUS 11:21

Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.

MARKUS 2:7

“Totuu mobarani in intau tanaa in mosingog natua! Sia in mohojat kon i Allah. Ki inebí in motaau mongampung kon dosa, tongábí ki Allah tontaní?”

LUKAS 10:17

Onda intua, dumodudui i Yesus inta pitu nopuḷú nobuidon mangoi takin pia in gina bo noguman, “Tuhan umpaka dimukud mita moraat moondok kon inami sin mokodongog kon tangoi-Mu!”

YOHANES 1:44

Ki Pilipus naa intau in Betsaida, kotá inta pinogutunan i Andreas bo i Petrus.

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.