LUKAS 9:1 - Alkitab Singog In Mongondow Masa In Tanaa

¹ Ki Yesus nogoiní kon murí-Nea inta mopuḷú bodoyowá bo nobogoi in kawasa moguntun kon dimukud moraat bo mongundam doman kon bayongan takit.

LUKAS 9:1 Iomraidhean Croise

MATIUS 16:19

Iko in pobogoian-Ku kon kokunsi in dodatuan soroga. Onu inta diá ogoimu aidan kon dunia, tua doman in diá ogoi aidan kon soroga. Bo onu inta sinotuumu kon dunia yo tua in totuuon doman kon soroga.”

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

MATIUS 8:9

Sin koḻimonikanku naa oyúon doman in itoiku. Táe koḻimonaganku oyúon doman in prajurit. Aka akuoi moguman kon prajurit tatua, bayá, dá mayábí doman in sia. Bo aka akuoi moguman kon prajurit ibanea, ‘Angoi!’ dá mamangoibí doman in sia, andeka akuoi mopotabá kon bobantungku, kon aidai in naa dá aidanneabí intua.”

LUKAS 10:1

Noiduduimai kon tua, ki Yesus nomiḻí kon dumodudui-Nea ibanea pitu nopuḷú in kobayongnea bodongka nopotabá kon i monia. Mosia pinotabá tumododoyawa sin umuna kon i-Nia mayá in kotá bo tampat mita inta bayáan-Nea.

LUKAS 10:19

Pokotaau! Moiko aindon inogoian-Ku in kawasa poritak kon uḷag bo bambau, bo kawasa pomutoḷ kon ropot in saturu, dá diá bidon in mokobodito kon i monimu.

YOHANES 14:12

Poguman-Kudon kon i monimu: Intau inta mopirisaya kon i-Nakó, mogaidbí kon onu inta ain inaidan-Ku, modapot in moiḻiubí kon tua in aidannea, sin Akuoi in mayá kon i Amá.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 3:16

Bo popisí in intau tanaa nopirisaya kon tangoi i Yesus dá tuata in nokoroton kon intau inta inontong monimu tanaa. Popisí in intau tanaa nopirisaya kon i Yesus dá nosehatdon bui in sia kon tayowon monimu komintan.

OUMAN IN RASUL MITA 4:30

Tuḷungaipa in kami sinbá intau mita nongotakit modait mopia bo onu inta diá motaau aidan in intau, yo mobaḻí sin kawasa bo ropot inta pinodoyon kon tangoi i Yesus, simpaḷ-Mu inta ain piniḻí-Mu tua.”

OUMAN IN RASUL MITA 9:34

Ki Petrus noguman kon i Eneas, “Eneas, ki Yesus Kristus in mongundam kon inimu. Pobangondon bo toinutdon in tosiuganmu tanion.” Dá kon dodaipa doman tatua bo nobangon in ki Eneas, bo nopirisayadon in mosia kon i Tuhan.