LUKAS 8:6 - Alkitab Singog In Mongondow Masa In Tanaa

⁶ Oyúon doman in noḷabú kon butá inta nobarong totok in batu. Naonda in nobiagdon buibí noḷaḷow sin noingkag in butánea.

LUKAS 8:6 Iomraidhean Croise

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEHEZKIEL 11:19

Mosia in ogoian-Kudon in gina mobagu bo dimukud mobagu. Gina monia inta ná kotogat in batu in gamáan-Ku bo toḻiuan-Ku in gina inta motoindudui kon i-Nakó.

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

AMOS 6:12

Yo degá mokoribatukpa in kabaḷo kon buḷud batu? Nokoimontandon degá in intau nopomajeko in sapi kon dagat? Táe moiko in nonuuidon kon kooadil nobaḻí rasum inta mokopatoi, bo inta moitutui mobaḻí moitaḷá.

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

LUKAS 8:5

“Oyúon intau monononggobá iḷumuai sin mogambor kon bibitnea. Kon wakutu in sia noponabud, oyúon bibit in noḷabú kon bingkí in daḷan. Bibit tatua korita-ritakan mako in intau, onda intua nodait kinaan in ḷagapan.

LUKAS 8:7

Oyúon doman in noḷabú kon yua-yuak in díat. Díat tatua nobiag noyotakin in bibit tatua poḷat doman monisímai kon bibit tatua nodapot in minatoi.

IBRANI 3:15

Tanaa in pinais kon Buk Motusi, “Aka singgai naa mokodongog in moiko kon singog i Allah, yo donaai kotogaton in gina, ná mogoguyangmu, wakutu in mosia nomaḷawang kon i Allah.”