LUKAS 8:54 - Alkitab Singog In Mongondow Masa In Tanaa

⁵⁴ Dá kinadaian i Yesus in ḻima in adí tatua bo noguman, “Pobangondon, Uḻe!”

LUKAS 8:54 Iomraidhean Croise

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

MATIUS 9:25

Naonda intau mita tatua pinoḷuai-Nea komintan, ki Yesus sinumuot bo nokadai kon ḻima in adí tatua, bo adí tatua in nobangondon.

MARKUS 1:31

Dá ki Yesus minayá dinimiug kon i guyá i Simon poḷat nokadai kon ḻimanea sinbá mobangon. Kon dodaipa doman tua bo nopia in patúnea, bo baḷúdon in bobay tatua bo nogoḷud kon kaanon kon imonia.

MARKUS 8:23

Kinadaian i Yesus intau bilog tatua bo kinapit-Nea minayá kon ḷuai in kotá. Onda intua dinuyáan i Yesus mata intau bilog tatua, bo kinadaian-Nea doman kon mata poḷat noḻibó, “Oyúondon degá in ontongonmu in tanaa mako?”

MARKUS 9:27

Táe kinadaian i Yesus in ḻimanea bo sinuḷungan binangon. Dá nobangondon adí tatua.

LUKAS 8:51

Noiyaputmai kon baḷoi i Yairus, diá tobatúmai intau ibanea inogoi i Yesus dinumudui kon i-Nia sinumuot in gopot, koḻikudbí in ki Petrus, ki Yohanes, bo ki Yakobus takin ki iná bo ki amá in adí tatua.

LUKAS 8:53

Táe kinosingan monia in Sia, sin kinotaauan monia kon minatoi bidon in adí tatua.

LUKAS 8:55

Bo nobuidon mangoi in dimukud in adí tatua, bo kon dodaipa doman intua nobiag bui in adí tatua bo poḷat sinimindog. Ki Yesus nokipokaan in adí tatua.

YOHANES 11:43

Nosingog mako natua, ki Yesus in nomaḷú noropot in noguman, “Lazarus, ḷuaidon!”

YOHANES 5:21

Ki Amá tua in momiag bui kon intau minatoi, bo mobogoi kon i monia in kobiagan mopia bo mononoi; ná tua doman in Adí mobogoi doman in kobiagan mononoi kon i monia inta moibog ogoian-Nea in kobiagan.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.

SURAT I PAULUS KON JAMAAT RUM 4:17

Sin ki Allah in nogumandon kon i Abraham nanaa, “Iko ain binaḻí-Ku ki amá in bayongan intau inta mopirisaya.” Tua in dandi inta inogoi i Allah kon i Abraham. Bo ki Abraham in nopirisaya kon i-Nia. Sia tua in ki Allah inta nomiag kon intau minatoi, Siabí doman tua in ki Allah inta tongá takin singog in mogaid kon bayongan yagi-yagi inta diápa, mobaḻí oyúondon.