LUKAS 8:53 - Alkitab Singog In Mongondow Masa In Tanaa

⁵³ Táe kinosingan monia in Sia, sin kinotaauan monia kon minatoi bidon in adí tatua.

LUKAS 8:53 Iomraidhean Croise

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

AYUB 17:2

Tososingkuḻe mako in intau in akuoi; inontongku in mosia moguman kon singog posigid.

MAZMUR 22:7

Táe akuoi naa in oḷuasi, deemanbí intau, irebeg bo siningkuḻe in intau mobayong.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

MATIUS 9:24

Sia noguman kon i monia, “Bayádon, sin adí tanaa in diábí minatoi, tongábí nosiug in sia.” Táe kinosingan monia in ki Yesus.

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

LUKAS 8:52

Totokdon in ombaḷan bo amuian monia in adí tatua, táe ki Yesus in noguman kon i monia, “Dikadon mongombaḷ in moiko sin adí tatua in diábí minatoi tongábí nosiug!”

LUKAS 8:54

Dá kinadaian i Yesus in ḻima in adí tatua bo noguman, “Pobangondon, Uḻe!”

YOHANES 11:39

Ki Yesus in noguman, “Posídon in batu tatua.” Táe ki Marta, ki utat in intau inta minatoi tatua in notubag, “Tuhan, aindon opat nosinggai in pinoḷobongan kon inia. Tantú nobongkog bidon!”