LUKAS 8:52 - Alkitab Singog In Mongondow Masa In Tanaa

⁵² Totokdon in ombaḷan bo amuian monia in adí tatua, táe ki Yesus in noguman kon i monia, “Dikadon mongombaḷ in moiko sin adí tatua in diábí minatoi tongábí nosiug!”

LUKAS 8:52 Iomraidhean Croise

KINOBAḺIAN 23:2

sia in minatoi kon Hebron kon butá in Kanaan. Norobonoḷ totok in gina i Abraham kinopatoian i buḷoinea tua, sia in nongombaḷ.

SAMUEL 2 18:33

Nokodongogmai kon tua noajardon totok in gina i datu, bo noponik in sia kon yuang inta kon ḻimonik in ngara moḷoben bo nongombaḷ nogamui, “O adíku! Adíku Absalom! Absalom, adíku! Mopia-piabí kon akuoi in minatoi monoḻiu kon inimu, adíku! Absalom, adíku!”

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 11:17

‘Podondongan nami in moiko in dondong mokopia kon gina, táe doíbí in moiko motayok, podondongan nami in dondong mokopongoibu, táe doíbí in moiko mongombaḷ.’

LUKAS 23:27

Mobarong totok in intau in dumuduianmai kon i Yesus – kon sigad monia tua oyúon doman in tongonumai in bobay. Bobay mita tatua in umuran mongombaḷ bo mogamui kon i Yesus.

LUKAS 23:48

Intau moantó inta namangoi kon tua sin moindoi, nokoontong domandon kon onu inta nobaḻí. Mosia komintan in nobui takin nomanasaḷ totok.

LUKAS 8:51

Noiyaputmai kon baḷoi i Yairus, diá tobatúmai intau ibanea inogoi i Yesus dinumudui kon i-Nia sinumuot in gopot, koḻikudbí in ki Petrus, ki Yohanes, bo ki Yakobus takin ki iná bo ki amá in adí tatua.

LUKAS 8:53

Táe kinosingan monia in Sia, sin kinotaauan monia kon minatoi bidon in adí tatua.

YOHANES 11:4

Táe naonda in dinongog i Yesus in habar tatua, Sia in noguman “Takitnea tatua in diábí mokopatoi kon inia. Naa in nobaḻíbí sinbá kawasa i Allah poponiatadon bo bá popisí in takit tatua ki Adí i Allah in poḷantudon doman.”