LUKAS 8:45 - Alkitab Singog In Mongondow Masa In Tanaa

⁴⁵ Táe ki Yesus in noḻibó kon i monia, “Ki ine in noḻiai kon i-Nakó?” Táe diá tobatúmai in nongaku. Dá ki Petrus in noguman, “Pak Guru, totuu mobarong intau in noḻipung kon i Pak Guru; dapot in koundudan magí mako monia in ki Pak Guru!”

LUKAS 8:45 Iomraidhean Croise

LUKAS 19:43

Sin moiangoibí in wakutunea saturumu mamangoi moḻipung kon inimu takin ropot monia. Kopungon bo sisíon monia in moiko nongkon bayongan tampat.

LUKAS 5:5

Dá ki Simon in noguman, “Pak Guru, tonggobiidon naa in pinoramujian nami nodomok kon toyá, táe diá tobatúmai in noaḷap nami! Tongá naa bo ki Pak Guru in nopotabá dá duduiankudon. Bayáanku bui bukáan in landará.”

LUKAS 8:44

Dá totok noramuji in sia bá moidiug kon i Yesus nongkon tumi bo mokadai kon ubung in jubah-Nea, dá kon dodaipa doman intua bobay tatua nopia.

LUKAS 9:13

Táe ki Yesus in noguman kon i monia, “Moikobí in mobogoi in kaanon kon i monia tua.” Dá kai monia doman, “Kon inami tongá oyúon in roti ḻima bo toyá doyowa. Koḻikudbí in aka mayá motaḷui in kami dá oyúon in ogoi kaanon monia?”