LUKAS 8:43 - Alkitab Singog In Mongondow Masa In Tanaa

⁴³ Bo kon sigad in intau moantó tatua, oyúon in tobatú bobay inta aindon mopuḷú bodoyowá notaong notakit sinoḷoganmai in dugú, bo diá tobatúmai in mokopia kon takitnea tatua.

LUKAS 8:43 Iomraidhean Croise

TAWARIKH 2 16:12

Kon taong intoḷu nopuḷú bo siow kon pinomarentaannea, ki Asa kinoantugan in takit inta mororiga totok kon sioḷnea doyowa nosimpaḷ. Umpaka natua táe sia in diábí notayak kon totuḷung kon i Tuhan, táe kon i dokterbí.

AYUB 13:4

Sin moiko in nogoḻingoi kon bodokmu takin uboḷ, diá noyoposi in mongongundam mita inta diá totuu.

MAZMUR 108:12

O Allah, diá degá in Iko mayá moyotakin nami? Diá degá in Iko mayá moyotakin in tontara nami?

YESAYA 2:22

Dá, dikabí umandoḷ kon intau inta mato-matoi naa, sin sia in diábí in mangaḻenea.

MARKUS 12:44

Sin mosia in nobogoi nongkon kalebean monia. Táe intau boba-bobay tatua in umpaka nobiag nobogá totok in sia, táe sia in nobogoibí in bayongan onu inta oyúon kon inia – inta totokpabí in paraḷunea pakéon kon kobiagannea.”

MARKUS 9:18

Aka kotoḷangan dimukud moraat, yo monontaḻebug in sia kon butá, bibignea boburaan, ingipon morokokot bo awaknea in motorondó. Pinoigumkudon kon murí-Mu mita moguntun kon dimukud moraat tatua, táe diá mokountun in mosia.”

LUKAS 13:11

Kon tua oyúon in tobatú bobay inta ain mopuḷú bowaḷu notaong notakit. Bobay tatua nobungkutdon dá diádon motuḻid in sosindognea.

LUKAS 13:16

Kon naa oyúon in bobay inta mopuḷúdon bowaḷu notaong in umuran kinokodan mako in Ibilis. Ibilis tatua musti inggamáan nongkon inia. Sin sia tua in buíbí doman i Abraham?”

LUKAS 8:27

Naonda in ki Yesus noponag kon toba, Sia inangoi in tobatú intau inta nongkon kotá tatua. Intau tatua kinotoḷangan in dimukud moraat. Noonggotdon in sia in diá nogiḷambungmai bo diádon doman nogutun kon baḷoinea. Sia nogutun bidon kon angob mita inta poḷoḷobongan kon intau minatoi.

LUKAS 8:42

sin wakutu intua ki adínea inta tongá totobatú tua notakit dongkadon oḷaton. Adí tatua umurdon degá mopuḷú bodoyowá notaong. Dá ki Yesus minayá. Kon bonu in binayáan tatua totok in sisíon monia in ki Yesus.

LUKAS 8:44

Dá totok noramuji in sia bá moidiug kon i Yesus nongkon tumi bo mokadai kon ubung in jubah-Nea, dá kon dodaipa doman intua bobay tatua nopia.

YOHANES 9:1

Wakutu in ki Yesus minayá, Sia in nokoontong kon intau bilog inta nongkon noilahirpamai.

YOHANES 9:21

Táe aka soaḷ sia nokoindoidon nion, yo diábí kinotaauan nami. Ḻibódon kon inia tontaní, sin noguyang bidon in sia; motaau bidon motubag tontaní.”

OUMAN IN RASUL MITA 3:2

Kon tua oyúon in tobatú ḷoḷaki inta ḻempeng nongkon noilahirpamai. Pomuḷoi in singgai umuran in sia buḻigan intau pobayá in diugmai in ngara in Baḷoi Tuhan, ngara tatua sinangoian “Ngara mogaga”. sia in dinia minayá intua sin mopoigum in totabi kon intau mita inta tumuot kon Baḷoi Tuhan tatua.

OUMAN IN RASUL MITA 4:22

Sin intau inta inundaman tatua umurnea aindon noiḻiu kon opat nopuḷú notaong.