LUKAS 8:41 - Alkitab Singog In Mongondow Masa In Tanaa

⁴¹ Bo kon dodai intua namangoi domandon in intau, tangoinea ki Yairus. Ki Yairus naa, itoi kon baḷoi pososambayangan. Sia in sinumungkud kon tayowonmai in sioḷ i Yesus bo nopoigum totok sinbá ki Yesus moibog mamangoi in baḷoinea,

LUKAS 8:41 Iomraidhean Croise

LUKAS 13:14

Táe itoi in baḷoi pososambayangan kon tua sinumorú totok in nokoontong kon i Yesus nongundam kon singgai in Sabat. Itoi in baḷoi pososambayangan tatua in noguman kon intau moantó kon tua, “Onom nosinggai in motaau pogaidan monimu, manangka intua angoidon kon singgai mita tatua bo mokiundam, dikabí in kon singgai in Sabat!”

LUKAS 17:16

Noiyaputmai kon i Yesus, sia in sinumungkud kon tayowon sioḷ-Nea bo nopoyaput in sukur moantó kon i Yesus. Sia tua in intau in Samaria.

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

LUKAS 8:42

sin wakutu intua ki adínea inta tongá totobatú tua notakit dongkadon oḷaton. Adí tatua umurdon degá mopuḷú bodoyowá notaong. Dá ki Yesus minayá. Kon bonu in binayáan tatua totok in sisíon monia in ki Yesus.

LUKAS 8:49

Koyogotpa in ki Yesus nosingog, namangoi in tobatú ginaḷum i Yairus bo noguman kon i Yairus, “Ki adí i Tuang minatoidon. Dá donaaidon in ki Tuang mamangoi bo mokiposusamai kon i Pak Guru!”

YOHANES 11:21

Ki Marta in noguman kon i Yesus, “Tuhan, aka kuma bo kon naa in ki Tuhan dodai intua, yo diábí minatoi in ki utat nami.

OUMAN IN RASUL MITA 13:15

Naonda in nopaḷutdon binaca in Hukum i Musa bo Buk in Nabi mita, itoi mita in baḷoi pososambayangan tatua nopotabá in intau minayá noḻibó kon i Paulus bo kon yobayatnea mita. Nanaa in ḷoḻibó monia tua, “Utat mita, aka oyúonbí in koyow inta mokorigon kon pirisaya bo mokohibur kon bayongan umat i Allah tanaa mita, yo pogumandon.”

OUMAN IN RASUL MITA 18:17

Dá dinomok monia in ki Sostenes, itoi in baḷoi pososambayangan tatua bo iḷuntá monia kon tayowon in meja pongongadilan tatua. Táe diábí ihiraumai i Galio in soaḷ tatua.

OUMAN IN RASUL MITA 18:8

Táe ki Krispus, itoi in baḷoi pososambayangan bo takin bayongan ginaḷumnea mita, komintan nopirisaya kon i Tuhan Yesus. Bo nobayong doman in intau mita in Korintus ibanea in nokodongog kon habar inta pinotaau i Paulus in nobaḻí nopirisaya kon i Yesus poḷat binaptis.

OUMAN IN RASUL MITA 9:38

Lantaran ḻipú in Lida nodiug kon Yope, dá naonda in intau mita inta mopirisaya kon i Yesus nokodongog kon ki Petrus in oyúon kon tua, binayá monia bo pinoki oiní kon intau doyowa takin koyow nanaa, “Ḷagipa angoi in naa.”

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.