LUKAS 8:40 - Alkitab Singog In Mongondow Masa In Tanaa

⁴⁰ Naonda in ki Yesus nobui mangoi, Sia sinontomu intau in mobayong takin pia in gina, sin mosia in dongkadon mogoḷat mako kon i-Nia.

LUKAS 8:40 Iomraidhean Croise

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

MATIUS 9:1

Onda intua ki Yesus sinumakoidon kon uangga bo iḷumeag minayá in ḷoḷan danow. Bo noidapotdon in Sia kon ḻipú-Nea tontaní.

MARKUS 12:37

Dá aka ki Daud monangoi kon i Datu Mopoposaḷamat tatua ‘Ki Tuhan’, yo naondabí kon Sia tua in buí i Daud?” Bayongan intau inta kon bonu in Baḷoi Tuhan, komintan mosanang in gina in mokodongog kon i Yesus notundú.

MARKUS 5:21

Ki Yesus minayá bui kon ḷoḷan in danow. Kon bingkí in danow tatua nobarong totok in intau in namangoi noyoḻipung kon ḻibumai Yesus.

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.

LUKAS 19:48

táe diápa kotaauan monia mongo naonda in pogogaid tua, sin bayongan intau umuranbí moibog mokidongog kon i-Nia, bo totok moibog in mosia in mokodongog kon singog-Nea mita.

LUKAS 19:6

Dá pona-ponag in ki Zakheus bo notarima kon i Yesus takin pia in gina.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

LUKAS 8:39

“Pobuidon iko kon baḷoimu bo daitdon ouman in bayongan inta ain inaidan i Allah kon inimu.” Dá intau tatua minaya-mayádon mako kon bayongan kotá bo nopotaa-taau mako in bayongan inta ain inaidan i Yesus kon inia.

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

OUMAN IN RASUL MITA 10:33

Tuamai baḷuku pinotabá in intau mayá mogoiní kon i Tuang. Bo namangoi domandon in ki Tuang takin pia in gina. Bo tanaa kami in noyosipundon kon tayowon i Allah sin mokidongog kon bayongan inta pinoki potaau i Allah kon i Tuang poguman kon inami.”