LUKAS 8:39 - Alkitab Singog In Mongondow Masa In Tanaa

³⁹ “Pobuidon iko kon baḷoimu bo daitdon ouman in bayongan inta ain inaidan i Allah kon inimu.” Dá intau tatua minaya-mayádon mako kon bayongan kotá bo nopotaa-taau mako in bayongan inta ain inaidan i Yesus kon inia.

LUKAS 8:39 Iomraidhean Croise

MAZMUR 66:16

Angoidon bo indongogaidon, ei bayongan in intau inta motoguondok kon i Allah, oumanonkudon onu inta inaidan i Allah kon inakó.

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

MARKUS 5:18

Wakutu in ki Yesus tumakoidon kon uangga, intau inta koina kinotoḷangan in dimukud moraat, nopoigum kon i Yesus sinbá ogoi doman dumudui in sia.

MARKUS 5:19

Táe ki Yesus in noguman kon inia, “Pobuidon bo potaaudon kon i utatmu mita bo kon ginaḷummu mita in bayongan inta inaidan i Tuhan kon inimu, bo ki Tuhan in mopia totok kon inimu!”

LUKAS 8:38

Intau inta ain sinaḷaan in dimukud mita moraat tatua nopoigum kon i Yesus sinbá ogoi in sia tumakin kon i Yesus. Táe pinotabá i Yesus in sia takin koyow nanaa,

LUKAS 8:40

Naonda in ki Yesus nobui mangoi, Sia sinontomu intau in mobayong takin pia in gina, sin mosia in dongkadon mogoḷat mako kon i-Nia.

YOHANES 4:29

kai-nia “Koḻigai, mayá in kita moindoi kon intau inta nopotaau kon inakó kon bayongan inta ain pinomiaku. Degá bo Siabí tua in Datu Mopoposaḷamat?”

ULANGAN 10:21

Dayowdon in Sia sin Sia in ki Allahmu. Moikodon tontaní in nokoontong kon onu in pinomia-Nea inta motoyang bo mokoondok inta pinomia-Nea sin motuḷung kon i monimu.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.