LUKAS 8:38 - Alkitab Singog In Mongondow Masa In Tanaa

³⁸ Intau inta ain sinaḷaan in dimukud mita moraat tatua nopoigum kon i Yesus sinbá ogoi in sia tumakin kon i Yesus. Táe pinotabá i Yesus in sia takin koyow nanaa,

LUKAS 8:38 Iomraidhean Croise

MAZMUR 116:12

Onu in ogoiku kon i Tuhan sin potuḻí kon kopopia-Nea kon inakó?

MAZMUR 116:16

Akuoi naa in mogogundoi-Mu, o Tuhan, naonda bo ki ináku, akuoi in mogundoi doman kon ini-Mu Iko in nopoḷuatdon kon inakó nongkon ponjara.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 32:7

Ikobí in pogogadopanku, Pinoḷuat-Mu in akuoi nongkon roriga. Dá akuoi in nonggoḷokap pia in gina, sin Iko in noposaḷamatdon kon inakó.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

LUKAS 8:28

Naonda in sia nokoontong kon i Yesus, kinumarak in sia bo sinumungkud kon tayowonmai i Yesus bo nomaḷú, “Ei Yesus, ki Adí i Allah inta Totok in Moḷantud! Onuon i Tuhan in akuoi naa? Poigumonku totok kon i Tuhan, dika rorigaan in akuoi!”

LUKAS 8:37

Sahingga intau mita inta kon ḻipú in Gerasa tua nopoigum kon i Yesus, sinbá taḷaan-Nea in mosia sin moondokdon totok in mosia. Dá ki Yesus sinumakoidon bui kon uangga bo nonaḷámai kon i monia.

LUKAS 8:39

“Pobuidon iko kon baḷoimu bo daitdon ouman in bayongan inta ain inaidan i Allah kon inimu.” Dá intau tatua minaya-mayádon mako kon bayongan kotá bo nopotaa-taau mako in bayongan inta ain inaidan i Yesus kon inia.

PILIPI 1:23

Doyowa norupa naa in morigugut kon bonu in ginaku. Moibogdon in akuoi monaḷámai kon dunia naa bo mayá mogutun takin i Kristus, sin tuabí inta totok in mopia;