LUKAS 8:34 - Alkitab Singog In Mongondow Masa In Tanaa

³⁴ Naonda intau mita inta noḷukad kon boké nokoontong kon natua, mosia noḷagui bo poḷat minayá nopohaba-habar mako kon onu inta ain nobaḻí tatua kon kotá bo kon ḻipú mita inta noyodiugmai.

LUKAS 8:34 Iomraidhean Croise

MATIUS 28:11

Naonda in mosia kon yuakdon in daḷan, namangoidon in intau mita inta noḷukad kon poḷoḷobongan. Mosia minayá in kotá bo nopotaau kon imang mita itoi kon bayongan inta ain nobaḻí.

MATIUS 8:33

Bo moḷoḷukad mita kon boké tatua in noḷagui. Naonda in nodapotmai kon kotá nodait inouman monia in onu inta aindon nobaḻí. Inouman doman monia in intau mita inta kinotoḷangan in dimukud mita moraat tua.

MARKUS 5:14

Moḷoḷukad mita kon boké tatua, noḷagui bo minayá nopotaau in habar tatua kon kotá bo kon ḻipú mita inta kon diugneamai. Dá intau mita iḷumuai sin moindoi kon onu inta nobaḻí.

LUKAS 8:33

Dimukud moraat mita tatua iḷumuai nongkon intau tatua bo minayá sinumuot kon boké mita tatua. Boké mita tatua minayá bo iḷumansik nongkon bingkí in irang bo noḷabú kon danow poḷat noḷomot.

LUKAS 8:35

Dá iḷumuaidon in intau mita kon tua sin moindoi kon onu inta ain nobaḻí kon tua. Mosia namangoi kon i Yesus bo inontong monia in intau inta sinaḷaandon in dimukud moraat. Intau tatua iḻimitúdon mako kon diug in sioḷ i Yesus, aindon noratak bo nogiḷambungdon. Mosia inta kon tua, komintan inangoian ondok in nokoontong kon onu inta nobaḻí tatua.