LUKAS 8:33 - Alkitab Singog In Mongondow Masa In Tanaa

³³ Dimukud moraat mita tatua iḷumuai nongkon intau tatua bo minayá sinumuot kon boké mita tatua. Boké mita tatua minayá bo iḷumansik nongkon bingkí in irang bo noḷabú kon danow poḷat noḷomot.

LUKAS 8:33 Iomraidhean Croise

MATIUS 8:32

Dá ki Yesus noguman kon i monia, “Bayádon!” Bo iḷumuaidon in mosia kon intau doyowa tatua bo sinumoḷang kon boké mita tatua. Bo paanan in boké tatua iḷumanduk kon pompang kon bonu in danow, bo noḷomot.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

LUKAS 8:32

Nodiug kon tua oyúon in boké noantó inta koyogot motayakmai kon kaanon monia kon oyukmai in buḷud, dá dimukud moraat tatua nopoigum kon i Yesus, sinbá ogoi in mosia mayá tumuot kon boké mita tatua. Dá dinuduian i Yesus onu in pinoigum monia tua.

LUKAS 8:34

Naonda intau mita inta noḷukad kon boké nokoontong kon natua, mosia noḷagui bo poḷat minayá nopohaba-habar mako kon onu inta ain nobaḻí tatua kon kotá bo kon ḻipú mita inta noyodiugmai.

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

WAHYU 9:11

Oyúon datu nomarenta kon i monia, datu tatua in ki malaekat inta noḷukad kon irang in popatoi tangoinea aka kon bahasa Ibrani Ki Abadon; bo aka kon bahasa Yunani Ki Apolion (mangaḻenea “Momoguyaat”).