LUKAS 8:3 - Alkitab Singog In Mongondow Masa In Tanaa

³ ki Yohana, inta ki buḷoi i Khuza, bendahara i Herodes; ki Susana, bo nobayongpa doman in bobay ibanea. Onu in pakéon monia kon tungkuḷ in nobantung kon i Yesus bo kon murí-Nea mita, sinanggungbí monia tontaní.

LUKAS 8:3 Iomraidhean Croise

TAWARIKH 1 29:14

Akuoi bo rayatku tanaa in diábí mokopobogoi kon onu bo onu kon ini-Mu, sin bayongan in yagi-yagi tua Ikobí in nobogoi bo onu inta inogoi nami naa in Ikobí doman in kitogi.

YESAYA 23:18

Kauntungan bo boḻi in pinogaidan inta nouḻínea in diábí tagúonnea, táe posumbaneabí kon i Tuhan. Intau mita inta nosumba kon i Tuhan in mopomakébí in doit tatua sin potaḷui kon kaanon bo pakéon kon inta paraḷu monia.

MATIUS 14:1

Kon wakutu intua nodapotdon in habar mita kon i Herodes, datu in Galilea soaḷ bayongan inta inaidan i Yesus.

MATIUS 14:3

Sin ki Yohanes ain pinoki domok bo pinoki tokig i Herodes bo binonunea kon ponjara. Soaḷ tatua noyotogot in persoalan i Herodias, ki buḷoi i Pilipus ki utatnea.

MATIUS 14:6

Tongá kon dodai in kinotompodan umur i Herodes, adí bobay i Herodias nomanari kon yua-yuak in mokokiangoi bo noposanang kon gina i Herodes,

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

MATIUS 20:8

Naonda in nodoḷomdon, ki togi gobá tatua in noguman kon moḷoḷukad kon gobánea, ‘Oinídon in intau mita inta nogaid tatua sin uboḻiankudon in pinogaidan monia, pangkoidon kon i monia inta nogaid tumi totok nodapot inta nogaid noiuna doman totok.’

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 26:11

Intau nongobogá mita in umuran moyotakin monimu, táe Akuoi naa in diábí tantú moyotaki-takin mako monimu.

MATIUS 27:55

Bo kon tua nobayong doman in bobay inta noindoi nongkon noyayú, mosia tua in bobay mita inta dinumudui kon i Yesus nongkon Galilea sin mobantung kon i-Nia.

LUKAS 24:10

Tangoi in bobay mita inta nopotaau kon dumodudui i Yesus mita tua in ki Maria Magdalena, ki Yohana bo ki Maria inta ki iná i Yakobus bo bobay doman mita ibanea inta noyotakin monia.

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

OUMAN IN RASUL MITA 13:1

Wakutu intua kon jamaat in Antiokhia oyúon in tongonumai in nabi bo guru, naa in tangoi monia tua: Ki Barnabas, ki Simeon inta dinonoi ki Niger, ki Lukius intau in Kirene, ki Menahem inta noyobiag i Datu Herodes, bo ki Saulus.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

PILIPI 4:22

Bayongan in umat i Allah kon kotá tanaa bo mosia inta kon komaḻig i Kaisar in nopoyaput doman in salam kon i monimu.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.