LUKAS 8:24 - Alkitab Singog In Mongondow Masa In Tanaa

²⁴ Dá murí-Nea mita in namangoi bo noguḷung kon i-Nia, kai monia, “Pak Guru, Pak Guru, mobodito in kita!” Ki Yesus in nobangon bo nongguak kon tompot bo bokoḷ inta koyogot mogirup tatua. Dá tompot bo bokoḷ tatua in nogogai bo noḷonongdon totok.

LUKAS 8:24 Iomraidhean Croise

MAZMUR 65:7

Pinongin ropot-Mu pinosindog-Mu in buḷud mita, sin mopoontong in kawasa-Mu inta motorindog.

YESAYA 50:2

Nongonu sin nongkon umat-Ku diábí tobatúmai in intau in notubag, kon tungkuḷ in Akuoi namangoi nogoiní kon i monia? Degá mosia in tongá kibio-biómai sin kai monia kamai Akuoi in diá mokopoḷuat bo moposaḷamat kon i monia? Totuubí, podudui in parenta-Ku dagat nobaḻí noingkag, ongkag mita binaḻí-Ku padang gurun, nodapot in toyá mita minatoi bo nobódon in ḷandig.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

MATIUS 14:30

Táe naonda in nokorasamai kon tompot nogirup, noondok in sia dá tumaḷom-tumaḷomdon in sia bo kinumarakdon in sia, “Tuhan, tuḷungaipa in akuoi!”

MATIUS 8:25

Bo namangoidon in murí-Nea mita noguḷung kon i-Nia, kai monia, “Tuhan Tuḷungaipa! Sin mobodito in kita.”

MARKUS 4:39

Dá nobangondon in ki Yesus bo nongguak kon tompot tatua poḷat noguman kon danow tatua, “Kibio-biómaidon, kooyongdon!” Dá tompot nogogaidon, bo danow noḷonongdon totok.

LUKAS 4:35

Táe ginuakan i Yesus in dimukud moraat tatua, “Kibio-biómai bo ḷuaidon iko kon intau tanion!” Dá dimukud moraat tatua nogumpang kon intau tatua kon tayowonmai monia komintan, onda intua sia iḷumuaidon pia-pia nongkon intau tatua.

LUKAS 4:39

Dá minayá dinimiug kon tosiugan i guyá i Simon tatua in ki Yesus bo ininggamáan-Nea in patú tatua. Kon dodaipa doman in tatua bo nopia in ki guyá i Simon dá nobangondon in sia bo nobantung kon i monia.

LUKAS 5:5

Dá ki Simon in noguman, “Pak Guru, tonggobiidon naa in pinoramujian nami nodomok kon toyá, táe diá tobatúmai in noaḷap nami! Tongá naa bo ki Pak Guru in nopotabá dá duduiankudon. Bayáanku bui bukáan in landará.”

LUKAS 8:25

Bo siningog i Yesus in mosia, “Nongonu sin moiko in diábí mopirisaya kon i-Nakó?” Mosia in noondok bo noherang. Mosia in nosiḻibóan, “Ki inebí sabanarnea in intau tanaa sin umpaka tompot bo bokoḷ yo dumudui doman kon singog-Nea!”