LUKAS 8:23 - Alkitab Singog In Mongondow Masa In Tanaa

²³ Kon wakutu in mosia kon binayáandon, ki Yesus nosiug noḷoḷot, indoianmai daḻíbí namangoi in tompot moropot totok kon danow tatua, sahingga in nobokoḷ noḷoben bo uangga mulaidon kobonuan in tubig, dá mokoanibdon kon i monia.

LUKAS 8:23 Iomraidhean Croise

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

MAZMUR 44:23

Popisí in dinumudui kon ini-Mu dá kami in umuranbí gogondokon in popatoi, bo pinomia naonda bo domba inta rorataan.

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

LUKAS 8:22

Kon singgai tobatú, ki Yesus bo murí-Nea mita sinumakoi kon uangga. Sia in noguman kon i monia, “Igai bá kita mayá in ḷoḷan danow.” Dá minayá in mosia.

OUMAN IN RASUL MITA 27:2

Kami in sinumakoi kon kapaḷ inta nongkon Adramitium, kapaḷ tatua in nongandu-ngandupa doman mako kon bayongan totubuan in kapaḷ kon propinsi Asia. Ki Aristarkhus, intau tobatú in Makedonia inta namangoi nongkon Tesalonika, in kotaki-takin doman nami.

KORINTUS 1 15:30

Bo onu doman in mangaḻe kami moibog tumayow kon inta mokobodito pomuḷoi mako?

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!