LUKAS 8:22 - Alkitab Singog In Mongondow Masa In Tanaa

²² Kon singgai tobatú, ki Yesus bo murí-Nea mita sinumakoi kon uangga. Sia in noguman kon i monia, “Igai bá kita mayá in ḷoḷan danow.” Dá minayá in mosia.

LUKAS 8:22 Iomraidhean Croise

MATIUS 14:22

Onda intua ki Yesus ḷagi nopotabá kon murí-Nea mita sinumakoi kon uangga bo umuna kon i-Nia mayá in ḷoḷan, wakutu intua pinoki pobuian-Nea domandon in intau moantó tatua.

MATIUS 8:18

Naonda in ki Yesus nokoontong kon intau moantó noḻipung kon i-Nia, Sia nonongganut minayá in ḷoḷan.

MARKUS 5:21

Ki Yesus minayá bui kon ḷoḷan in danow. Kon bingkí in danow tatua nobarong totok in intau in namangoi noyoḻipung kon ḻibumai Yesus.

MARKUS 6:45

Nopaḷut mako kon tua ḷagidon pinotabá i Yesus in murí-Nea mita sinumakoi kon uangga bo umunadon kon i-Nia. Mosia pinotabá minayá in Betsaida inta kon ḷoḷan mako in danow, onda intua pinoki pobuian-Neadon in intau moantó tatua.

MARKUS 8:13

Bo sinaḷáanmaidon i Yesus in mosia bo minayá sinumakoi kon uangga bodongka nopobayá in ḷoḷan in danow tatua.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

LUKAS 8:23

Kon wakutu in mosia kon binayáandon, ki Yesus nosiug noḷoḷot, indoianmai daḻíbí namangoi in tompot moropot totok kon danow tatua, sahingga in nobokoḷ noḷoben bo uangga mulaidon kobonuan in tubig, dá mokoanibdon kon i monia.

LUKAS 8:33

Dimukud moraat mita tatua iḷumuai nongkon intau tatua bo minayá sinumuot kon boké mita tatua. Boké mita tatua minayá bo iḷumansik nongkon bingkí in irang bo noḷabú kon danow poḷat noḷomot.

YOHANES 6:1

Nopaḷut mako kon tua ki Yesus minayá in ḷoḷan Danow Galilea inta sinangoian Danow Tiberias.

OUMAN IN RASUL MITA 27:2

Kami in sinumakoi kon kapaḷ inta nongkon Adramitium, kapaḷ tatua in nongandu-ngandupa doman mako kon bayongan totubuan in kapaḷ kon propinsi Asia. Ki Aristarkhus, intau tobatú in Makedonia inta namangoi nongkon Tesalonika, in kotaki-takin doman nami.