LUKAS 8:16 - Alkitab Singog In Mongondow Masa In Tanaa

¹⁶ “Diábí intau in mopoyongkit mako in togá bo tungkubannea in tampayang andeka tagúonnea kon siup in ḷantaan. Tantú togá tatua in tuduonneabí kon tampatnea, sinbá komintan intau inta tumuot kon baḷoi tatua mokoontong kon bayagnea.

LUKAS 8:16 Iomraidhean Croise

LUKAS 11:33

“Diábí in tobatúmai intau mopoyongkit mako in togá bodongka tungkubannea in tampayang, tantú tuduonneabí kon tampatnea. Sinbá komintan intau inta tumuot in mokoontong kon bayagnea.

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 11:4

Sakusi doyowa tatua in zaitun doyowa nopangkoi bo sioḷ in pototuduan kon togá doyowa inta kon tayowonmai i Tuhan inta nomia kon dunia naa.