LUKAS 8:15 - Alkitab Singog In Mongondow Masa In Tanaa

¹⁵ Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

LUKAS 8:15 Iomraidhean Croise

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

AMSAL 3:1

Dika koḻiongan onu inta ain sinundúku kon inimu, adíku. Umuran torop in parentaku,

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 32:29

bo monurub kon tua modapot in mopayong takin baḷoi mita in intau mita inta nokopomuká kon torú-Ku, sin kon tudu in atop in baḷoi mita tatua notubá in mosia kon dupa kon i Baal bo nopobutak in anggur sin posumba kon dewa mita.

MATIUS 24:13

Tongá intau inta monahang modapot in kopaḷutan tua komintan mosia in mosaḷamat.

LUKAS 11:28

Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

LUKAS 6:45

Intau inta mopia in mogaidbí doman kon inta mopia sin ginanea in pinuḻingan in inta mopia. Táe intau inta moraat in mogaidbí doman kon inta moraat sin ginanea in pinuḻingan domandon in inta mongoraat. Sin onu inta siningog in bibig yo tua in iḷumuaibí nongkon ginanea.”

LUKAS 8:14

Bibit inta noḷabú kon yua-yuak in díat, tua in ibarat intau inta ain nokidongog kon Pirman, tongá gina monia umuran sinisí in kapunyaan inta inanggap monia mokosanang kon kobiagan monia kon dunia naa, sahingga diá notuoi in bungainea.

LUKAS 8:16

“Diábí intau in mopoyongkit mako in togá bo tungkubannea in tampayang andeka tagúonnea kon siup in ḷantaan. Tantú togá tatua in tuduonneabí kon tampatnea, sinbá komintan intau inta tumuot kon baḷoi tatua mokoontong kon bayagnea.

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

YOHANES 15:10

Aka moiko umuran mogaid kon inta pinarenta-Ku, yo moiko in umuran mosatia in dumudui kon tabi-Ku, ná doman Akuoi inta umuran mosatia kon tabi i Amá-Ku sin umuran nopobayá in parenta-Nea mita.

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

SURAT I PAULUS KON JAMAAT RUM 7:18

Kinotaauanku bidon, kon bonu in awakku naa, diábí in tobatúmai in mopia, tuabí in tabiat saḷaku intau ilo-ilow. Sin oyúonbí in ibog kon inakó in mogaid kon inta mopia táe diá mokosanggup in akuoi in mogaid kon natua.

SURAT I PAULUS KON JAMAAT RUM 7:4

Natua domandon in moiko utatku mita. Kon hukum agama in Yahudi, moiko ain minatoi, sin moiko ain sinobatú takin awak i Kristus bo nobaḻídon kapunyaan-Nea inta ain biniag bui nongkon kinopatoian. Sia biniag nongkon popatoi sinbá kita in mobaragunadon kon i Allah kon dodai in mobiagpa.

SURAT I PAULUS KON JAMAAT RUM 8:25

Táe aka kita in moharap mako kon onu inta diá inontong naton, dá mosabarbí in kita mogoḷat.

KORINTUS 1 7:19

Sin sinunat andeka diá, diábí moponting intua. Dumuduibí kon atorang mita i Allah in moponting.

EPESUS 2:8

Ki Allah in motabi kon i monimu, tuamai in pinosaḷamat-Nea in moiko sin nopirisayadon kon i Kristus in moiko. Moiko in nosaḷamat deemanbí lantaran ḷopí monimu tontaní. Tua in totabibí i Allah. Manangka intua diábí motaau in tobatúmai intau dumodia kon soaḷ tatua.

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

KOLOSE 1:10

Dá moiko in mobiagdon podudui in ibog i Allah bo umuran mokosanang kon gina-Nea, sahingga kon bayongan yagi-yagi moiko in umuran mobogoi in bungai inta mopia. Bo pongotahuan monimu soaḷ ki Allah in modugang domandon.

KOLOSE 1:6

Habar nongkon i Allah tatua in noiwayadon kon bayongan dunia naa, bo kobiagan in intau umuran binarakatan in habar tatua, notongkai doman in kobiaganmu ain binarakatan pinangkoipamai in moiko nokodongog kon soaḷ totabi i Allah bo totu-totuu inindongogan monimu intua.

IBRANI 10:36

Mokoposabarbí in moiko, sinbá motaaupa mogaid kon onu inta kinoibog i Allah, sahingga in tarimaanbí monimu in onu inta pinodandi i Allah tua.

IBRANI 2:1

Manangka intua, mustidon totu-totuu in kita kumadai kon totundú mita inta ain dinongog naton, sinbá diá mobaḷui in pirisaya naton.

YAKOBUS 1:4

Ḷukadai sinbá umuran moropot in ginamu tua modapot in totu-totuudon mosompurna in moiko bo diádon kodai-daitan in bayongan yagi-yagi.

YOHANES 1 2:3

Aka kita bo umuran dumudui kon parenta mita i Allah, dá tua in tandanea kon kita in nonotaau kon i Allah.