LUKAS 8:12 - Alkitab Singog In Mongondow Masa In Tanaa

¹² Bibit inta noḷabú kon bingkí in daḷan, tua in ibarat intau inta ain nokidongog kon Pirman i Allah, onda intua inangoi in Ibilis bo inagow in Pirman tatua nongkon bonu in gina monia, sin dika bo mosia in mobaḻí mopirisaya bo posaḷamaton.

LUKAS 8:12 Iomraidhean Croise

AMSAL 1:29

Moiko in naonda bo intau inta diápa nokoimontanmai in moibog motayak kon sinotaau, bo doí dumudui kon i Tuhan.

AMSAL 4:5

Pokopobijaksana bo pokopopandoi! Umuran torop in tongginaku mita bo dikabí ḷumbúon intua.”

YESAYA 65:11

Táe deemanbí natua in ukur in intau mita inta nonaḷámai kon i-Nakó, inta diá noindoimai kon Sion, tombuḷud-Ku inta motusi, inta noposumba in kaanon inoḷud kon Gad bo Meni, dewa mita inta mobogoi in kauntungan bo ukur.

MATIUS 13:19

Batoḷ inta noḷabú kon daḷan tua mangaḻenea in intau inta nokodongog kon Pirman kon naonda in ki Allah momarenta, táe diá kinomangaḻean monia. Kon tua namangoidon in Ibilis bo nogagow kon inta ain inambor kon bonu in gina monia.

MATIUS 13:4

Kon wakutu in sia nogambor oyúon batoḷ in noḷabú kon bingkí in daḷan. Bo ḷagapan in namangoi bo kinaannea nodait intua.

MARKUS 4:15

Bibit inta noḷabú kon daḷan in ibarat intau inta nokodongog kon habar soaḷ naonda in ki Allah momarenta. Naonda in sia nokodongog, Ibilis namangoi bo nogamá kon onu inta ain pinomuḷa kon bonu in ginanea.

LUKAS 8:11

“Naa mangaḻe in poumpamaan tatua: Bibit tua in Pirman i Allah.

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

LUKAS 8:5

“Oyúon intau monononggobá iḷumuai sin mogambor kon bibitnea. Kon wakutu in sia noponabud, oyúon bibit in noḷabú kon bingkí in daḷan. Bibit tatua korita-ritakan mako in intau, onda intua nodait kinaan in ḷagapan.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.