LUKAS 7:6 - Alkitab Singog In Mongondow Masa In Tanaa

⁶ Dá ki Yesus in minayá noyotakin monia. Táe naonda in nodiugdon in mosia kon baḷoi in porwira tatua, porwira tatua nopotabá bui kon yobayatnea mita sin moguman nanaa kon i Yesus, “Tuang donaaidon ki Tuang rumorigamai mamangoi in baḷoiku sin diábí patus in akuoi motarima kon i Tuang kon bonu in baḷoiku.

LUKAS 7:6 Iomraidhean Croise

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

AMSAL 29:23

Intau moḷoḷatú in poompáanmai; intau inta moompá in gina in dayowon.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

MARKUS 5:24

Dá minayá in ki Yesus noyotakin i Yairus. Mobarong totok intau in sinumakin kon i-Nia, oyúon kon tumi, kon muna, kon koḷoigi, kon koḷanan moyo-moyogundud.

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

LUKAS 7:4

Mosia in minayá kon i Yesus, bo naonda in noiyaput kon i Yesus, mosia nopoigum totok sinbá Sia in moibog mamangoi motuḷung kon porwira tatua. Mosia in noguman nanaa, “Porwira tatua patusbí tuḷungan i Amá,

LUKAS 7:5

sin sia tua in motabibí kon bayongan intau naton bo sia doman tua inta nokiposindog in baḷoi pososambayangan nami.”

LUKAS 7:7

Bo akuoi in diá doman patus mamangoi mokipodungkuḷ kon i Tuang. Táe poyaputdon in singog-Mu tongákabí totontagá dá mopiabí in bobantungku tatua.

LUKAS 8:49

Koyogotpa in ki Yesus nosingog, namangoi in tobatú ginaḷum i Yairus bo noguman kon i Yairus, “Ki adí i Tuang minatoidon. Dá donaaidon in ki Tuang mamangoi bo mokiposusamai kon i Pak Guru!”

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”