LUKAS 7:46 - Alkitab Singog In Mongondow Masa In Tanaa

⁴⁶ Diábí pinakéanmu in minya in uḷu-Ku, táe bobay tanaa aindon nopoḷana in ḷana nobondu kon sioḷ-Ku.

LUKAS 7:46 Iomraidhean Croise

SAMUEL 2 12:20

Dá sinimindogdon in ki Daud nongkon taḷog, bo noinggú poḷat nonaid kon buoknea, bo nomaḷuidon kon ḷambung. Onda intua minayá in sia noibada kon Baḷoi Tuhan. Nopaḷut mako kon tua minayádon bui in sia kon komaḻig, bo nokioḷud in kaanon pongaanannea, bo nongaandon in sia.

SAMUEL 2 14:2

tuamai nokioiní in sia in bobay mobijaksana tobatú inta nogutun kon Tekoa. Naonda in bobay tatua noyaput mangoi, noguman in ki Yoab kon inia, “Ki iná in musti ki ubo-uboḷmaidon nonogumatoi; pogiḷambungdon in ḷambung pinonogumatoian, bo dika momaké in ḷana mobondu. Pomiadon naonda bo bobay inta ain noonggot in nongombaḷmai kon kinopatoian in intau inta totok in kinotabinea.

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

MAZMUR 23:5

Iko in nogoḷud kon pongaananku, kon tayowon in musungku. Iko in notomu kon inakó naonda bo mokokiangoi inta ihoromat. Iko in nobogoi kon inakó in oinumon mobayong totok inta mopia.

MOHOHUTUBA 9:8

Pokotarimbukabí bo pokopobayag in pogotmu.

DANIEL 10:3

Kon dodai intua diábí in akuoi nokaan kon kaanon inta mopia andeka ponoyá; akuoi in diábí nonginum kon anggur, bo diábí doman nonayi-nayidmai kon buok.

AMOS 6:6

Moiko in monginum kon anggur nongkon galas inta binonuan kinopuḻing, bo moiko in mopoinggúdon in ḷana mobondu inta totok in mopia, táe diá monakit in gina monimu kon kinorimumudan in Israel.

MIKHA 6:15

Moiko in moponimboibí in gandum, táe diábí mokoyut kon bungainea. Moiko in mogaidbí kon ḷana nongkon bungai in zaitun, táe diábí mokopomaké kon ḷananea. Moiko in momugutbí kon anggur, táe diábí moiinum kon tua.

MATIUS 6:17

Táe aka moiko bo mopuasa, yo pogiminyabí bo pongiamot,

LUKAS 7:47

Poguman-Kudon kon inimu, tabinea inta moḷoben tatua noponiata kon taḷánea inta noantó aindon inampungan! Intau inta tongá inampungan topiḻik in taḷánea, tabinea in tongá doman topiḻik.”

RUT 3:3

Yo poinggúdon in tanaa, pomakédon in ḷana mobondu bo pogiḷambungdon in ḷambung inta totok in mopia. Bo bayádon in tampat inta poḷoḻintogan i Boas kon gandumnea. Oḷatdon kon tua modapot in sia mopaḷut mongaan bo monginum, táe ramuji bá diápa kotaauannea kon iko in kon tuadon.