LUKAS 7:45 - Alkitab Singog In Mongondow Masa In Tanaa

⁴⁵ Iko in diábí notomu nongayok kon i-Nakó, táe bobay tanaa in diábí mogoga-gogai in mongayok kon sioḷ-Ku pokoangoi-Kupa in naa.

LUKAS 7:45 Iomraidhean Croise

KINOBAḺIAN 29:11

Onda intua sia nongayok kon i Rahel, bo nongombaḷ sin notabi in nokoontong.

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

SAMUEL 2 15:5

Aka oyúon in intau in dimiug kon i Absalom sin tumungkud mosumba kon inia, dá ki Absalom mopoabat in ḻimanea bo gakapannea poḷat ayokannea.

SAMUEL 2 19:39

Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

MATIUS 26:48

Intau inta moposarakan kon i Yesus munadon nopotaau kon onu in pomiaannea kon i Yesus, “Intau inta inayokanku. Sia intua, dá domokdon!”

SURAT I PAULUS KON JAMAAT RUM 16:16

Posisalamanbí takin tabi saḷaku tumpaḷa utat inta mopirisaya kon i Kristus. Bayongan jamaat i Kristus kon naa nopoyaput in salam kon i monimu komintan.

KORINTUS 1 16:20

Bayongan utat kon naa nokipoyaput doman in salam kon i monimu. Posisalaman kopiaan totok in moiko saḷaku tumpaḷa utat Keresten.

EPESUS 6:4

Bo moiko uḻe guyanga mita ḷoḷaki! Dika rupa-rupaanmai monimu in mosia modapot in tumorú. Nanaa in aidai: biag in mosia kotompia bo tundú in onu inta mopia bo tongginaai podudui inta kinoibog i Tuhan.

TESALONIKA 1 5:26

Aher mako poyaputpa in salam nami kon bayongan utat pinodoyon kon totabian saḷaku intau inta mopirisaya kon i Kristus.