LUKAS 7:43 - Alkitab Singog In Mongondow Masa In Tanaa

⁴³ Dá kain tubag doman i Simon, “Tantú intau inta mobayong in boḻinea!” Kai Yesus, “Totuu in tubagmu nion.”

LUKAS 7:43 Iomraidhean Croise

MATIUS 18:27

Bo noḻiai in ginanea popisí in tabinea kon simpaḷnea tatua, dá diádon pinoki uboḻinea in boḻinea tatua bo pinopatanneadon.

MARKUS 12:34

Inontong i Yesus in mototundú kon agama tatua mopiadon in pototubagnea. Dá ki Yesus noguman kon inia, “Iko in motoyongdon mobaḻí anggota in umat i Allah.” Nopaḷut mako kon tua diádon tobatúmai intau nokobaḻí mopoḻibó-ḻibó kon i-Nia.

LUKAS 10:38

Onda intua ki Yesus bo murí-Nea mita nongingguputdon kon bobayáan monia, bo mosia in noiyaputdon in tobatú ḻipu. Kon ḻipú tatua oyúon tobatú bobay nogoiní kon i monia minayá in baḷoinea, ki Marta in tangoinea.

LUKAS 7:42

Popisí in taya dua tua diádon mokopobui kon doit tatua, dá pinopatandon in intau tatua in boḻi nayadua tua. Aka natua yo ḻibóon-Ku kon i monimu, ki ine in kon sigad nayadua tua in motabi-tabi kon intau inta nopoḷuan in doit tatua?”

LUKAS 7:44

Onda intua ki Yesus nobobui kon bobay tatua bo noguman kon i Simon nanaa, “Inontongmu in bobay tanaa degá? Akuoi in moguman kon inimu: Akuoi namangoi in baḷoimu, táe diá inogoianmu in tubig pondaritan-Ku kon sioḷ, táe bobay tanaa ain nondarit kon sioḷ-Ku takin ḷuánea, onda intua iningkagannea bui in buoknea tontaní.

LUKAS 7:47

Poguman-Kudon kon inimu, tabinea inta moḷoben tatua noponiata kon taḷánea inta noantó aindon inampungan! Intau inta tongá inampungan topiḻik in taḷánea, tabinea in tongá doman topiḻik.”