LUKAS 7:40 - Alkitab Singog In Mongondow Masa In Tanaa

⁴⁰ Dá ki Yesus in noguman nanaa kon intau in Parisi tatua, “Simon, oyúon in poguman-Ku kon inimu.” Dá kai Simon doman, “Oo, pogumandon Pak Guru.”

LUKAS 7:40 Iomraidhean Croise

DATU MITA IMITÁNEA 2:14

Bo noguman doman in sia, “Oyúon in poigumonku nongkon i iná.” “Onu?” ki Batsyeba in noḻibó.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

MALEAKHI 1:6

Ki Tuhan Inta Totok in mokawasa in noguman kon imang mita, “Adí tobatú in mohoromatbí kon i amánea, bo mobobantung tobatú in mohoromatbí kon i tuangnea. Akuoi i naa in ki Amámu; nongonu sin moiko in diábí mohoromat kon i-Nakó? Akuoi naa in ki tuangmu; yo nongonu sin moiko in diábí moondok kon i-Nakó? Moiko in mopoompámai kon i-Nakó, táe moiko in noḻibó, ‘Naonda in pinononingkuḻe nami kon ini-Mu?’

MATIUS 26:49

Noiyaputmai intua Sia inumuna nokipodungkuḷ kon i Yesus bo noguman, “Salam, Pak Guru!” Bodongka nongayok kon i-Nia.

MATIUS 7:22

Kon Singgai Ponantúan moantó in intau inta mogoiní kon i-Nakó: ‘Tuhan, Tuhan, takin moguman; kami naa inta nopoyaput in habar nongkon ini-Mu? Bo inta nomaké in tangoi-Mu in noguntun kon dimukud mita moraat bo nomaké doman in tangoi-Mu nogaid kon inta mokoherang kon intau?’

LUKAS 18:18

Oyúon tobatú itoi intau Yahudi in noḻibó kon i Yesus, “Pak Guru, Inta mopia totok, onu in musti aidanku sinbá mokouḻí in akuoi kon kobiagan mononoi?”

LUKAS 5:22

Táe kinotaauan i Yesus in raian monia tatua, tuamai noḻibó in Sia, “Nongonu sin moiko in moraibí kon natua kon bonu in gina monimu?

LUKAS 5:31

Dá kain tubag doman i Yesus kon i monia, “Deemanbí intau mosehat in moparaḷu kon dokter; táe intaubí inta notakit.

LUKAS 6:8

Táe raian monia tatua kinotaauan i Yesus, dá Sia in noguman kon intau inta ḻimanea tosimpaḷ minatoi tua, “Igai sindog kon muna naa!” Dá nobuat in sia, bo sinimindog kon tua.

LUKAS 7:39

Naonda in inontong intau in Parisi inta nogoiní kon i Yesus nongaan, sia in nosingog kon bonu in ginanea, “Aka Sia naa bo totu-totuu nabi, yo tantú kotaauan-Neabí doman kon bobay tatua intaubí inta totok in binaradosa!”

LUKAS 7:41

Dá kai Yesus doman, “Oyúon intau doyowa, taya dua tua in tumpaḷa koboḻi kon intau inta mopopoḷuan in doit. Intau tobatú koboḻi kon ḻima nogatut doit saḷaka. Inta tobatú in koboḻi kon ḻima nopuḷú in doit saḷaka.

YOHANES 13:13

Moiko in mogoiní kon i-Nakó Guru bo Tuhan. Bo Noitutuibí intua, sin totuu kon Akuoi in Gurubí bo Tuhan.

YOHANES 16:19

Kinotaauanbí i Yesus kon mosia in moibog moḻibó kon i-Nia. Dá tuamai Sia in noguman, “Koina Akuoi in noguman, ‘Diádon moonggot, moiko in diádon mokoontong kon i-Nakó, bo diá domandon moonggot poindoian monimu kon i-Nakó.’ Tua degá inta oumanonmai monimu mongo onu in makusudnea?

YOHANES 16:30

bo kinotaauan bidon nami kon bayongan yagi-yagi kinotaauanbí i Tuhan. Diá bidon paraḷu in intau moḻibó kon onu bo onu kon i Tuhan. Tuamai kami in mopirisayabí kon ki Tuhan in namangoibí nongkon i Allah.”

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”