LUKAS 7:39 - Alkitab Singog In Mongondow Masa In Tanaa

³⁹ Naonda in inontong intau in Parisi inta nogoiní kon i Yesus nongaan, sia in nosingog kon bonu in ginanea, “Aka Sia naa bo totu-totuu nabi, yo tantú kotaauan-Neabí doman kon bobay tatua intaubí inta totok in binaradosa!”

LUKAS 7:39 Iomraidhean Croise

DATU MITA 2 5:20

ki Gehazi bobantung i Elisa, in norai, “Nongonu sin pinomayábí mako in sia in minayá takin diá noguboḻi? Sabanarnea in mustibí in ki tuangku motarima kon onu in ogoi in intau in Siria tatua! Podoyon kon i Tuhan inta nobiag, mustibí batukonku in sia bo moigum kon onu inta oyúon kon inia!”

AMSAL 23:7

Sin, sia in moguman, “Igai mongaan; podugangpabí,” bokaka makusudnea in deemanbí natua. Mopia in singognea, táe toposibí in kon ginanea.

YESAYA 65:5

Mosia in noguman ‘Bayádon koyayú, dika moḻiai kon inami sin kami in motusi bo noitondí nongkon i monimu!’ Akuoi in diádon mokoigon in mokoontong kon dodia monia! Torú-Ku kon i monia in naonda bo tuḷú inta diá mopio-piong.

MATIUS 20:16

Bo ki Yesus in noguman, “Natuabí in mobaḻí, intau inta noitontumi mobaḻí moiuna bo intau inta noiuna in mobaḻí moitontumi.”

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

MARKUS 7:21

Sin inta nongkon bonubí in gina, inta nomuká nongkon raian mita inta moraat in mokopopisí kon intau mogaid kon inta mokooyá ná, monakow, moḻimod,

LUKAS 12:17

Intau tatua umuran morai kon bonu in gina, kainia, ‘Tampat potagúanku kon hasil in gobáku, diádon tugat. Naondapa degá in dayaku bá tugatan?’

LUKAS 15:2

Dá intau mita in Parisi bo mototundú mita kon agama nomangkoidon mongunsingog, kai monia, “Sesé ah, intau tanion moibogbí motarima kon intau mita inta diá mopia, bo mongaan doman moyotakin monia!”

LUKAS 16:3

Bo norai in bendahara tatua kon bonu in ginanea, ‘Onu degá in pomiaan tanaa? Akuoi aindon pinogogai i tuangku. Momasoḷ, diá mokomampu in akuoi; mobaḻí moigum magí-mako kon daḷan, mooyá in akuoi.

LUKAS 18:4

Aindon kotongonu degá in bobay tatua in mayámai kon hakim tatua táe umuranbí doman doí motuḷung in hakim tatua kon inia. Táe pangabisannea hakim tatua in norai nanaa, ‘Umpakabí akuoi naa diá moondok kon i Allah bo diá doman mopandung kon tumpaḷa intau,

LUKAS 3:8

Pogumanku kon i monimu, Popoontongpa muna in oaid monimu mopia, saḷaku tanda kon moiko in totu-totuu bidon nogogai in nogaid kon inta diá mopia. Bo donaaipa muna moguman in moiko kon ki Abraham in ki amá nami! Sinbá pogumanku kosilangon kon i monimu, batu mita tanaa in motaaubí aidan i Allah ki adí mita i Abraham!

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

LUKAS 7:37

Kon ḻipú tatua oyúon in bobay inta ain kinotaauan totok in intau moantó kon sia tua binaradosadon totok. Naonda in kinotaauan in bobay tatua kon ki Yesus in yogot mongaan kon baḷoi intau in Parisi tatua, dá namangoi in sia kon baḷoi tatua takin kodia-dia in botoḷ inta mogaga totok inta kobonu-bonu in ḷana mobondu.

LUKAS 7:38

Koomba-ombaḷ in sia namangoi sinimindog kon diug in sioḷ i Yesus, dá sioḷ i Yesus nobuntad in ḷuánea. Táe kon dodaipa doman tatua sioḷ i Yesus iningkagannea in buoknea tontaní, bodongka inayokannea in sioḷ i Yesus bo binutakkannea in ḷana nobondu inta kodia-dianea tatua.

LUKAS 7:40

Dá ki Yesus in noguman nanaa kon intau in Parisi tatua, “Simon, oyúon in poguman-Ku kon inimu.” Dá kai Simon doman, “Oo, pogumandon Pak Guru.”

YOHANES 4:19

Bobay tatua in noguman, “Kinotaauankudon tanaa kon ki Tuang in tobatúbí nabi.”

YOHANES 7:12

Moantó intau in momangkoidon moyogombong soaḷ Sia. Oyúon in noguman: “Sia Intaubí mopia.” Táe oyúon doman in noguman: “Diá! Sia in mopoyaying kon intau mobayong.”

YOHANES 9:24

Bo mosia in buidon nogoiní kon intau inta kon iná nobilog tatua, bo noguman kon inia, “Pongibotdon kon iko in mogumanbí kon totuu. Kinotaauan nami kon intau tatua intaubí binaradosa.”