LUKAS 7:36 - Alkitab Singog In Mongondow Masa In Tanaa

³⁶ Tobatú intau in Parisi namangoi nogoiní kon i Yesus mongaan kon baḷoinea, dá ki Yesus in minayá iḻimitú bo nongaan doman kon baḷoinea.

LUKAS 7:36 Iomraidhean Croise

LUKAS 11:37

Naonda in ki Yesus nopaḷutdon nobogoi in totundú, intau in Parisi tobatú namangoi nogoiní kon i-Nia mayá mongaan kon baḷoinea. Dá ki Yesus in minayá doman bo nongaan.

LUKAS 14:1

Kon singgai in Sabat tobatú, ki Yesus minayá nongaan kon baḷoi in intau in Parisi. Intau mita kon tua nonarukiramai kon i Yesus.

LUKAS 7:34

Noiduduimai kon tua, Adí Intau namangoi – Sia tua nongaan bo nonginum – táe siningog monimu: ‘Indoiaika, intau tatua! Totok in turá bo moḷoḷangu, bo yobayat in mononagi kon pajak bo in intau mita baradosa.’

LUKAS 7:35

Umpakabí natua, táe hikmat i Allah in ináku bidon in bayongan inta notarima kon tua.”

LUKAS 7:37

Kon ḻipú tatua oyúon in bobay inta ain kinotaauan totok in intau moantó kon sia tua binaradosadon totok. Naonda in kinotaauan in bobay tatua kon ki Yesus in yogot mongaan kon baḷoi intau in Parisi tatua, dá namangoi in sia kon baḷoi tatua takin kodia-dia in botoḷ inta mogaga totok inta kobonu-bonu in ḷana mobondu.