LUKAS 7:30 - Alkitab Singog In Mongondow Masa In Tanaa

³⁰ Táe intau mita in Parisi bo mototundú kon agama in doíbí notarima kon tomayá i Allah kon i monia. Mosia tua in doíbí binaptis i Yohanes.

LUKAS 7:30 Iomraidhean Croise

AMSAL 1:25

Bayongan in tongginaku in diábí inindongogan monimu bo toboḷowku in diábí inabatan monimu.

YEREMIA 8:8

Mokobaḻíbí totok in moiko in moguman kon moiko in mobijaksana, bo monotaau in hukum-Ku mita! Indoiaika naonda in hukum-Ku mita tatua binaḷuian in intau mita inta nonotaau totok in agama táe motombogá!

MATIUS 22:35

Bo tobatú kon sigad monia, inta totok in nonotaau kon hukum i Musa, noḻibó sin monungkuḷ kon i-Nia,

LUKAS 13:34

Yerusalem, Yerusalem! Nabi mita sinokoḻimodmu! Totabá mita i Allah sinokoarab monimu in batu nodapot in minatoi! Aindon kotongonu degá Akuoi in moibog mosipun kon intau mita inta kon kotámu, naonda bo ki iná in manuk mogoob kon i adínea mita, táe moiko in doíbí!

LUKAS 20:6

Táe aka tubagan naton, ‘Nongkon intau, dá intau mita tanion mogarabbí in batu kon inaton,’ sin mosia in mopirisayabí kon ki Yohanes tua in tobatúbí nabi.”

LUKAS 7:31

Ki Yesus in nosingog bui nanaa, “Onu degá in motaau-Ku popoumpamaan kon intau mita masai naa, ná onu degá in mosia tua?

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

SURAT I PAULUS KON JAMAAT RUM 10:21

Táe soaḷ bangusa Israel, ki Nabi Yesaya in nosingog nanaa, “Nanaa in pirman i Allah, ‘Tumongo singgai Akuoi in mopoabat in ḻima-Ku kon tobatú bangusa inta motogat in gina bo diá motoindudui.’ ”

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

GALATIA 2:21

Diábí sinolakku in totabi i Allah. Sin aka kuma bo oyúon in kasaḷamatan aka dumudui kon hukum in agama, yo diá bidon mangaḻe in kinopatoian i Kristus!

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.