LUKAS 7:24 - Alkitab Singog In Mongondow Masa In Tanaa

²⁴ Naonda intau mita inta pinotabá i Yohanes nobuidon minayá, ki Yesus in noginsilang kon intau mobarong kon tua mongo ki ine in ki Yohanes, kai-Nia, “Onu in bayáan monimu indoian kon padang gurun? Moindoi degá kon aog inta inirup in tompot pouik pountag?

LUKAS 7:24 Iomraidhean Croise

KINOBAḺIAN 49:4

Iko in mogampang moḻimbok naonda bo tubig, sahingga in deemandon iko inta totok in moponting; sin iko ain nosiug takin i buḷoiku inta bobantung tua, kinotoranmudon tosiugan i amámu.

LUKAS 1:80

Ki adí i Zakharia tatua kodugang-kodugangdon in koḷobennea bo rohonea in koropot-koropot domandon. Bo sia in umuran nogutun kon padang gurun nodapot in singgai inta aindon sinantú kon pokipogontongannea kon intau in Israel.

LUKAS 3:2

Tungkuḷ intua imang moḷoben in ki Hanas bo ki Kayapas. Kon taong tatuata ki Allah in nosingog takin nomaké kon i Yohanes inta ki adí i Zakharia. Ki Yohanes in namangoi nongkon padang gurun.

LUKAS 7:23

Pia in kamang in intau inta diá kon dodai in onda in mogindoí kon i-Nakó.”

LUKAS 7:25

Moiko mayá mongonu? Moindoi degá kon intau inta nogiḷambung mogaga? Intau inta nogiḷambung mogaga bo inta nobiag nooyúon tampatnea in tuabí kon komaḻig!

YOHANES 1:23

Ki Yohanes in notubag: “Akuoibí naa inta imakusud in singog i Nabi Yesaya nanaa: ‘Intau inta nobaḷú kon padang gurun: Tondodaidon daḷan kon i Tuhan.’ ”

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

PETRUS 2 2:17

Mototundú mita kon inta diá totuu tatua naonda bo bokaká inta noingkagdon, bo ná doman onda bo goḷom inta inirup in tompot moropot. Mosia ain bidon pinosadiaan i Allah kon tampat inta mosindip totok, tampat pohohukuman.

PETRUS 2 3:17

Táe moiko utat mita inta kinotabiku, kinotaauan bidon monimu intua. Tuamai mokopoingat sinbá moiko in diá moidudui kon aid in intau mita moraat tatua bo inta diá doman nonotaau in hukum, bo moiko in moḷabú nongkon dodoyonan kobiagan monimu inta moroton.