LUKAS 7:19 - Alkitab Singog In Mongondow Masa In Tanaa

¹⁹ bodongka pinotabánea mayá moḻibó kon i Yesus, “Ki Tuangdon degá inta pinodandi mamangoi tua, andeka mogoḷatpa in kami kon intau ibanea?”

LUKAS 7:19 Iomraidhean Croise

KINOBAḺIAN 22:18

Bayongan in bangusa kon dunia naa in mopoigum kon i-Nakó sinbá Akuoi momarakat kon i monia ná Akuoi ain nomarakat kon buímu – sin iko ain dinumudui kon parenta-Ku.”

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

HAGAI 2:7

Bayongan in bangusa in podoḻiokon-Kubí bo kapunyaan monia in diaandon mamangoi, dá Baḷoi-Ku in mopuḻing in kaoyúonan monia.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

MARKUS 6:7

Inoiní-Nea in murí mopuḷú bodoyowá bo pinotabá tumododoyawa, bo mosia in inogoian-Nea in kawasa moguntun kon dimukud mita moraat.

LUKAS 10:1

Noiduduimai kon tua, ki Yesus nomiḻí kon dumodudui-Nea ibanea pitu nopuḷú in kobayongnea bodongka nopotabá kon i monia. Mosia pinotabá tumododoyawa sin umuna kon i-Nia mayá in kotá bo tampat mita inta bayáan-Nea.

LUKAS 11:1

Kon singgai tobatú ki Yesus in nosambayang kon tobatú tampat. Naonda in Sia nopaḷutdon nosambayang, murí-Nea tobatú noguman, “Tuhan, tundúpa in kami mosambayang, ná ki Yohanes notundú kon dumoduduinea mita.”

LUKAS 11:39

Tuamai ki Tuhan in nosingog kon i-Nia nanaa, “Moiko intau in Parisi totuubí kon aka palo bo pindan yo yuyúanbí monimu dotá in ḷuainea, táe bonu in gina monimu nopuḻing in raian inta diá mopia. Mongoraat bo mongotogat in gina in moiko.

LUKAS 12:42

Ki Tuhan in notubag, “Ki ine in bobantung inta mosatia bo mopandoi, sahingga pomiaan i tuangnea itoi kon sigad in bobantungnea mita ibanea, sinbá sia mobogoi in kaanon kon i monia aka wakutuneadon?

LUKAS 13:15

Táe ki Tuhan in noguman kon inia, “Ei intau mongomunapik, degá diábí kinotaauan monimu kon moikopa momuḻi doman kon sapi andeka keledai monimu nongkon ḷantungnea aka kon singgai in Sabat sin bayáan poinumon.

LUKAS 17:5

Dá rasuḷ mita tatua in noguman kon i Tuhan Yesus, “Tuhan, iropotaidon in pirisaya nami.”

LUKAS 17:6

Tubag i Tuhan, “Aka oyúon in pirisaya monimu tongákabí ná koḷoben in batoḷ in sesawi, yo moiko in motaaubí moguman kon pangkoi in kayu inta moḷoben tatua, ‘Korabutdon in iko bo kobiagdon kon bonu in dagat,’ dá pangkoi in kayu tatua in dumuduibí doman kon singogmu.”

LUKAS 18:6

Bo ki Yesus in noguman doman kon i monia nanaa, “Tarukira onu inta siningog in hakim inta diá moondok kon i Allah tatua!

LUKAS 19:8

Kon baḷoinea tatua, ki Zakheus sinimindog bo noguman kon i Tuhan, “Tuhan, kapunyaanku tobotak ogoikudon kon intau mita bogá bo aka oyúon doman in intau inta pernadon inuboḷanku, yo pobuionkudon bui kon inia koopat noguntuḷ in kobayongnea!”

LUKAS 22:61

Ki Yesus baḷú nobobui kon i Petrus dá baḷú bo doman kinotoropannea in onu inta ain pinoguman i Yesus kon inia nanaa, “Kon wakutu in diápa mokukú in manuk singgai naa, iko aindon koyongan kotoḷu momayow kon iko in deemanbí murí-Ku.”

LUKAS 24:34

Noiyaputmai kon tua mosia in noguman nanaa, “Totuubí kon ki Tuhan aindon nobiag bui! Sia ain nokipogontong kon i Simon!”

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

LUKAS 7:20

Noiyaputmai kon i Yesus in taya dua, mosia noguman, “Ki Yohanes Mobobaptis nopotabá kon inami mamangoi bo moḻibó kon i Tuang, mongo ki Tuangdon degá inta pinodandi mamangoi, andeka mogoḷatpa degá in kami kon intau ibanea?”

YOHANES 11:2

Ki Maria naa in bobay inta nopoinggú in ḷana nobondu kon sioḷ i Tuhan bodongka iradatannea bui in buoknea. Kon singgai tobatú ki utat monia ki Lazarus naa in notakit.

YOHANES 4:1

Dinongogdon in intau mita in Parisi kon ki Yesus ain nokouḻí poḷat nobaptis kon intau mobayo-bayongdon kon dumodudui i Yohanes. (

YOHANES 4:25

Bobay tatua in noguman kon i Yesus, “Kinotaauankubí kon Datu Mopoposaḷamat (inta sinangoi ki Kristus) in mamangoibí. Aka Sia mamangoi, potaau-Neabí in bayongan in yagi-yagi kon i naton.”

YOHANES 6:23

Noiduduimai kon tua tongonumai uangga nongkon kotá in Tiberias namangoi bo sinumubu kon diug in tampat pinokaanan kon intau moantó kon roti naonda in ki Tuhan nopoyaput in sukur.

YOSUA 2:1

Onda intua nongkon pinononḷoḷaigan kon Sitim, ki Yosua nopotabá in toimata doyowa minayá in Kanaan. Toimata doyowa tatua pinotabá monaridi kon butá in Kanaan takin umado-adop, totok moponting kon tua in kotá in Yerikho. Dá minayá in mosia kon kotá tatua, bo nongandupdon in mosia kon baḷoi in bobay inta sundaḷ tobatú, ki Rahab in tangoinea.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”