LUKAS 7:10 - Alkitab Singog In Mongondow Masa In Tanaa

¹⁰ Naonda intau mita inta pinotabá in porwira tatua norobuidon kon baḷoi, kinobayáanmai monia nopiadon in bobantung in porwira tatua.

LUKAS 7:10 Iomraidhean Croise

MATIUS 15:28

Bo ki Yesus in notubag takin noguman kon i-Nia, “Uḻe iná, moḷoben totok in pirisayamu! Manangka intua yo mobaḻídon kon inimu ná inta kinoibogmu!” Bo dodaipa doman in tuata nopia in ki adínea.

MATIUS 8:13

Nopaḷut mako nosingog kon tua, ki Yesus in noguman kon porwira tatua, “Pobuidon, onu inta pinirisayamu tatua in mobaḻí bidon kon inimu.” Dá kon dodaipa doman tatua bobantungnea nopia.

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

LUKAS 7:11

Diá noonggot kon tua, ki Yesus minayá kon kotá in Nain. Dumodudui-Nea mita bo intau moantó minayá noyotakin-Nea.

LUKAS 7:9

Nokodongogmai kon koyow tatua, noherang totok in ki Yesus. Sia in nobobui kon intau mita inta dinumudui kon i-Nia bo poḷat nosingog, “Pirisaya námai naa in koḷoben diápa dodai onda in nouḻí-Ku kon sigad in intau Israel!”