LUKAS 6:6 - Alkitab Singog In Mongondow Masa In Tanaa

⁶ Kon Sabat ibanea, ki Yesus in sinumuot in Baḷoi Pososambayangan bo notundúmai kon i monia kon tua. Kon tua oyúon doman tobatú intau inta ḻimanea tosimpaḷ minatoi.

LUKAS 6:6 Iomraidhean Croise

DATU MITA IMITÁNEA 13:4

Kon dodai in kinodongogan i Yerobeam in tosingogon mita tatua, sinundúnea in nabi tatua bo nomaḷú, “Domok in intau tatua!” Táe kokaḷ i Yerobeam daḻídon notorondó dá diádon motaaunea okúon.

ZAKHARIA 11:17

Kinutukdon totok in gombala inta diá baraguna tatua! Sia in nonaḷámaidon kon paanan in dombanea. Parang in mogimpaḷut kon kawasanea. Kokaḷnea in moḻemédon bo mata koḷanannea in mobilogdon.”

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

LUKAS 13:10

Kon singgai in Sabat, ki Yesus minayá in baḷoi pososambayangan bo nobogoi in totundú.

LUKAS 14:3

Dá ki Yesus in noḻibó kon mototundú mita kon agama bo intau mita in Parisi inta kon tua, “Aka podudui in agama naton, motaau degá andeka diá in mongundam kon intau notakit kon singgai in Sabat?”

LUKAS 4:16

Ki Yesus minayá doman in Nazaret, tobatú ḻipú inta kinoitoian-Nea. Kon singgai in Sabat, podudui in kabiasaan-Nea, Sia minayá in baḷoi pososambayangan. Sia in sinimindog bo nobaca kon Buk Motusi,

LUKAS 4:31

Onda intua ki Yesus minayá in Kapernaum, tobatú kotá kon Galilea. Kon tua in Sia nopoyaput doman in Habar Mopia kon singgai in Sabat.

LUKAS 6:1

Kon singgai in Sabat tobatú, wakutu in ki Yesus bo murí-Nea mita noitaḻib kon gobá in gandum, murí-Nea mita nokoyut kon bungai in gandum. Sindaḷan monia inungkaan, bo poḷat kinaan.

LUKAS 6:5

Ki Yesus in noguman doman, “Adí Intau nongawasa kon singgai in Sabat!”

YOHANES 5:3

Kon tampat pobobarasanangan mita tatua nobayong in intau mita mototakit inta mosiug mako; oyúon in bilog, oyúon in pelong, oyúon in ḻempeng. [Mosia tua in komintan mogoḷat mako kon koḻimbokan in tubig in tabang tatua.

YOHANES 9:16

Táe tongonumai in intau kon sigad intau mita in Parisi tatua noguman, “Diábí doman intau inta nomia kon soaḷ tatua nongkon i Allah, sin diádon pinandung-Neamai in singgai in Sabat.” Táe intau ibanea in nosingog, “Diábí doman in intau binaradosa bo momia kon soaḷ mita inta mokoherang ná tanaa?” Bo nomukádon in bobayowan kon sigad monia tua.