LUKAS 6:47 - Alkitab Singog In Mongondow Masa In Tanaa

⁴⁷ Pomuḷoi in intau inta namangoi kon i-Nakó bo moibog mokidongog kon singog-Ku poḷat doman dumudui kon onu inta pinoki aid-Ku. Onu degá in motaau-Ku popotongakaian kon inia tua?

LUKAS 6:47 Iomraidhean Croise

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

MATIUS 12:50

Sin ki inekabí inta mogaid kon inta kinoibog i Amá-Ku kon soroga, yo sia tua in ki utat-Ku mita ḷoḷaki, bo ki utat-Ku bobay, bo sia in ki iná-Ku doman.”

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

LUKAS 11:28

Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

LUKAS 6:48

Sia in naonda bo intau inta noposindog in baḷoi. Intau tatua in nongaḻi muna kinoonag bodongka nogaid kon pondasi nongkon batu. Naonda in ḷunud moḷoben, bo baḷoi tatua inuntag in ḷunud tatua, baḷoi tatua in diá noḻiaimai sin ain pinosindog kon pondasi inta noroton.

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

LUKAS 8:8

Táe oyúon doman in noḷabú kon butá mopia. Bibit tatua in nobiag nopira bo nomungai nodatog totok. Bungainea in mogatut noguntuḷ in kobayongnea.” Nopaḷut mako nongonguman kon natua, Sia in noguman noropot nanaa, “Ki ine in kobongoḷan yo pokidongog!”

YOHANES 10:27

Domba-Ku mita in mokidongogbí kon singog-Ku mita. Kinotaauan-Kubí in mosia, bo mosia in dumuduibí kon i-Nakó.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

YOHANES 5:40

Táe moiko in doí mamangoi kon i-Nakó sinbá mokouḻí kon kobiagan mononoi.

YOHANES 6:35

Dá kai Yesus doman, “Akuoibí naa in roti inta mobogoi in kobiagan, intau mita inta mamangoi kon i-Nakó in diá bidon angoian bui in gogoy. Bo intau inta mopirisaya kon i-Nakó in diá bidon moyoga-yogang bui.

YOHANES 6:37

Bayongan in intau inta inogoi i Amá-Ku kon i-Nakó in mamangoibí kon i-Nakó. Ki inekabí in mamangoi kon i-Nakó diábí in diá tarimaan-Ku.

YOHANES 8:52

Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’

IBRANI 5:9

Dá naonda in Sia binaḻídon mopoposaḷamat inta nosompurna, Sia in nobaḻídon pangkoi in kasaḷamatan inta mononoi kon bayongan intau inta umuran dumudui kon parenta-Nea.

YAKOBUS 4:17

Tuamai, intau inta kinotaauannea in mopia, táe diá aidannea, yo binaradosa in intau tatua.

PETRUS 1 2:4

Tuamai, angoidon kon i Tuhan. Sia in naonda bo batu inta nobiag, batu inta iḷumbú in intau mita sin inanggap monia diá baraguna; táe piniḻídon i Allah nobaḻí batu inta totok in moponting.

PETRUS 2 1:10

Tuamai utatku mita, poramuji totok, sinbá moiko inta ain inoiní bo piniḻí i Allah in morotondon totok in pirisayamu. Aka aidan monimu intua komintan, yo diá bidon mobaḷui in pirisayamu.

YOHANES 1 2:29

Kinotaauandon monimu kon ki Kristus in nobiag podudui in ibog i Allah. Tuamai musti kotaauan doman monimu kon pomuḷoi in intau inta nobiag podudui in ibog i Allah, ki adíbí mita i Allah.

YOHANES 1 3:7

Adíku mita, dika moibog in moiko poyayingon i inekadon. Sin intau inta nogaid kon onu inta kinoibog i Allah, mosia tuata in ki adí mita i Allah ná doman onda bo ki Kristus inta ki Adí i Allah.

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.