LUKAS 6:46 - Alkitab Singog In Mongondow Masa In Tanaa

⁴⁶ “Nongonu sin moiko in mokuukbí kon i-Nakó, ‘Tuhan, Tuhan,’ bokaka bo doíbí in mogaid kon onu inta pinoki aid-Ku?

LUKAS 6:46 Iomraidhean Croise

MALEAKHI 1:6

Ki Tuhan Inta Totok in mokawasa in noguman kon imang mita, “Adí tobatú in mohoromatbí kon i amánea, bo mobobantung tobatú in mohoromatbí kon i tuangnea. Akuoi i naa in ki Amámu; nongonu sin moiko in diábí mohoromat kon i-Nakó? Akuoi naa in ki tuangmu; yo nongonu sin moiko in diábí moondok kon i-Nakó? Moiko in mopoompámai kon i-Nakó, táe moiko in noḻibó, ‘Naonda in pinononingkuḻe nami kon ini-Mu?’

MATIUS 25:11

Onda intua noiangoidon in mongodeaga mita inta bodok bo noguman, ‘Tuang, Tuang, bukataipa in ḷoḻingkop sin tuotan nami.’

MATIUS 25:24

Kon tua namangoidon doman in simpaḷ inta inogoian in doit buḷawan toribu, sia noguman, ‘Tuang, kinotaauanku iko in intau inta morogi totok bo inta nokoyut kon gobá inta deeman binunakanmu bo nopuyut kon bungai in inta deeman pinomuḷamu.

MATIUS 25:44

Bo mosia in noḻibó kon i-Nia, ‘Tuhan, kon dodaibí in onda inontong nami in ki Tuhan ginogoy andeka noyogang, andeka namangoi saḷaku intau mokokiangoi, andeka diá nogiḷambung andeka notakit, andeka kon bonu in ponjara bo diá inangoi sinompia nami in ki Tuhan?’

GALATIA 6:7

Dika moibog uboḷan. Sin ki Allah in diábí motaau in pogogitogan! Sin onu in pomuḷaan intau yo tuabí doman in sipuonnea.

YAKOBUS 1:22

Musti aidan monimu in onu inta pinoki aid i Allah, deemanbí tongá indongogan mako bo diá aidan, sin aka diá aidan yo tua in mangaḻenea moiko in nonguboḷdon kon i monimu tontaní.