LUKAS 6:42 - Alkitab Singog In Mongondow Masa In Tanaa

⁴² Ná ondabí in moiko motaau moguman kon i utatmu, ‘Uḻe, onda bá inggamáanku in puḻing kon matamu nion’, sedang balak kon matamu in diábí indoianmu muna? Ei intau mongomunapik! Poḷuaipa muna in balak kon bonu in matamu. Bá matamu in motarangdon totok bain tua bo iko in motaau mopoḷuai in puḻing kon mata i utatmu.”

LUKAS 6:42 Iomraidhean Croise

AMSAL 18:17

Intau inta mosingog muna kon bonu in sidang pongadilan umuranbí koontongan ná mobanar, táe onu in siningognea pangkoiondon ujion aka moiangoidon in ḷawangnea.

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

MATIUS 7:3

Nongonu sin puḻing i utatmu in ontongon monimu, táe kayu kon bonu in matamu in diábí kinotaauanmu?

MATIUS 7:4

Naondabí iko motaau moguman kon i utatmu, ‘Igai bá inggamáanku in puḻingmu,’ bokaka kon matamu oyúon in kayu?

LUKAS 13:15

Táe ki Tuhan in noguman kon inia, “Ei intau mongomunapik, degá diábí kinotaauan monimu kon moikopa momuḻi doman kon sapi andeka keledai monimu nongkon ḷantungnea aka kon singgai in Sabat sin bayáan poinumon.

LUKAS 22:32

Táe iko Simon, aindon sinambayangan-Ku, sinbá motantú in pirisayamu. Bo aka iko mobuidon mangoi kon i-Nakó, yo mustimubí doman iropotanmu in gina in bayongan ginaḷummu.”

LUKAS 6:41

Nongonu sin moiko in moindoibí kon puḻing kon i utatmu, táe balak kon bonu in matamu in diábí kinotaauanmu?

LUKAS 6:43

“Diábí in pangkoi inta mopia in mopomungai in bungai inta diá mopia. Natua doman diábí in pangkoi inta diá mopia in mopomungai in bungai mopia.

OUMAN IN RASUL MITA 13:10

bo noguman, “Ei intau inta mouboḷ totok, ki adí in Ibilis! Iko nion saturu in bayongan inta mopia. Nongonu sin diábí doman mogogai iko in moḷamboi kon tomayá i Allah moposaḷamat kon intau?

OUMAN IN RASUL MITA 2:38

Ki Petrus in noguman kon i monia nanaa, “Pogogaidon in mogaid kon dosa in moiko bo pokibaptisdon kon bonu in tangoi i Yesus Kristus sinbá modait ampungan in dosa. Bo moiko in motarima kon Roho i Allah.

OUMAN IN RASUL MITA 8:21

Diá motaau iko in dumudui mogaid takin nami, sin diá motuḻid in ginamu kon i Allah.

SURAT I PAULUS KON JAMAAT RUM 2:1

Manangka intua, utat mita ki inebí in iko nion sin mohakim kon intau ibanea? Iko tontaní in kotaḷábí doman! Aka iko bo mopotaḷá kon intau ibanea, bokaka tumpaḷa nogaid kon ná inta inaidan monia tua, dá in mangaḻenea kon tua, ikodon tontaní in nopoḷabú in hukuman kon inimu tontaní.

KORINTUS 2 5:18

Tua komintan in inaidanbí i Allah. Ki Kristus tua inta pinaké i Allah nobaḻí tonsigad nopoyodame takin-Nea. Onda intua Sia in nopotabá kon inami sinbá intau mita ibanea motaau doman in mamangoi moyodame takin i Allah.

TIMOTIUS 2 2:21

Intau inta monaḷámaidon kon bayongan inta moraat kon inia, yo sia tua in pakéon pogaid kon oaidan inta mopia totok. Dongkadon ki tuangnea in ki togi kon inia bo mobaraguna domandon in sia kon i tuangnea. Sia in sinadiadon sin pakéon kon bayongan oaidan inta mopia.

PETRUS 2 1:9

Táe intau inta diá kinogonúan in sipat mita natua, mopoḷokbí totok in pomomikirnea; sia in diá mokoontong bo koḻionganneabí kon dosanea mita koḻipod ain inampungan.