LUKAS 6:28 - Alkitab Singog In Mongondow Masa In Tanaa

²⁸ Barakataibí in intau inta nogodi-godimai kon inimu bo sambayangaibí in intau inta nogaid kon inta diá mopia kon inimu.

LUKAS 6:28 Iomraidhean Croise

DATU MITA IMITÁNEA 13:6

Bo ki Datu Yerobeam nogumandon kon i nabi tatua, “Tuḷungaipa kaasí sambayangai in akuoi kon i Tuhan Allahmu. Poigumaipa kon totabi-Nea sinbá undaman-Neapa in kokaḷku!” Nosambayang in nabi tatua kon i Tuhan, bo nopiadon in kokaḷ i datu.

YEHEZKIEL 25:15

Ki Tuhan Inta Totok in moḷantud in noguman, “Intau mita in Pilistin ain notuḻí kon yaat in gina takin noḻingá kon musung mita monia bo noyopú kon i monia takin sakí in gina.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

LUKAS 23:34

Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.

LUKAS 6:27

“Tanaa mako Akuoi in mobogoi in koyow kon i monimu inta moibog mokidongog kon i-Nakó: kotabibí in saturumu, bo pogaidbí kon inta mopia kon intau inta moyaat in gina kon inimu.

LUKAS 6:35

Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.

OUMAN IN RASUL MITA 14:5

Bo intau mita in Yahudi takin itoi mita monia noyotakin in intau mita deeman Yahudi in noyopakat moposikisa bo mogandur in batu kon rasul mita tatua

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

SURAT I PAULUS KON JAMAAT RUM 12:14

Poigumdon kon i Allah sinbá barakatan-Nea in intau mita inta nomogutú kon inimu. Poigumaibí kon barakat nongkon i Allah, donaaibí mopogodi-godimai.

KORINTUS 1 4:12

táe umuranbí doman moramuji motayak in kami. Aka odi-odian intau in kami, tongábí tuḻían nami barakatan; aka pogutúon monia, mokoposabar in kami;

YAKOBUS 3:10

Nongkon bibig inta notongkai ḷumuai in singog posukur bo singog doman pogodi-godi. Utatku mita, diábí motaau in natua!

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.