LUKAS 6:26 - Alkitab Singog In Mongondow Masa In Tanaa

²⁶ Koboditodon in moiko aka komintan intau bo moduí kon inimu; sin natua doman in mogoguyang monia noduí kon nabi mita inta deeman totu-totuu nabi tungkuḷ intua.”

LUKAS 6:26 Iomraidhean Croise

AMSAL 27:21

Buḷawan bo saḷaka ujion kon bonu in tuḷú; intau in kotaauanbí kon dodianea kon tungkuḷ in dayowon.

YESAYA 30:10

Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami.

YEREMIA 5:31

nabi mita in monguboḷ, imang mita mogundoi podudui in ibognea tontaní bo moiko umat-Ku in moibog doman kon natua. Táe onu in aidan monimu aka moiangoidon in singgai imbuitnea?”

MIKHA 2:11

Koibog monimu in nabi inta moibog monguboḷ bo mongakaḷ poḷat monoḷanow kon moiko in mokouḻíbí kon anggur bo oinumon inta mokoḷoḷangu inta mobayong totok.”

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.

LUKAS 6:25

Koboditodon in moiko inta nobotug in tanaa mako; sin moiko in koantuganbí doman in gogoy! Koboditodon in moiko inta kinumosing tanaa mako; sin oyúonbí in wakutu monimu mokorasa kon robonoḷ in dodob bo mongombaḷ!

YOHANES 15:19

Aka kuma bo moiko nion in kapunyaan in dunia, dá kotabibí in dunia in moiko saḷaku kapunyaannea. Táe moiko ain piniḻí-Ku nongkon dunia naa, dá moiko in deeman bidon kapunyaan in dunia, tuamai dunia naa in mosaturu kon i monimu.

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

SURAT I PAULUS KON JAMAAT RUM 16:18

Sin intau mita inta momia kon natua, deemanbí mogaid sin kopontingan i Kristus inta Tuhan naton, táe tongábí motayak kon kasanangan in gina monia tontaní. Dondouḷug bo singog monia moaḷus inta kodongogan tua in tongábí pakéon monia monguboḷ kon intau mita inta diápa nonotaau in onu bo onu.

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.