LUKAS 6:25 - Alkitab Singog In Mongondow Masa In Tanaa

²⁵ Koboditodon in moiko inta nobotug in tanaa mako; sin moiko in koantuganbí doman in gogoy! Koboditodon in moiko inta kinumosing tanaa mako; sin oyúonbí in wakutu monimu mokorasa kon robonoḷ in dodob bo mongombaḷ!

LUKAS 6:25 Iomraidhean Croise

MAZMUR 49:19

Nodapot in aka intau tobatú nobiag nokouḻí kon kobiagannea, bo dinuí-duí popisí in inta nouḻínea,

AMSAL 14:13

Kon ḻikud in kosing degá oyúonbí in ombaḷ; ḷunganga in gina oyúonbí doman in imbuitan in robonoḷ in gina.

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

MOHOHUTUBA 2:2

Nosadar in akuoi kon kosing tua in kabodokanbí bo kasanangan in diábí in baragunanea.

MOHOHUTUBA 7:3

Robonoḷbí in dodob in mopia-pia in kosing. Umpaka molamurú mako, asaḷ bo gina in mosanang.

MOHOHUTUBA 7:6

Kosing in intau bodok diá in mangaḻenea, naonda bo doradak in pinotubáan kon dugi.

YESAYA 28:7

Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

YESAYA 65:13

Totuu, intau inta mosumba kon i-Nakó in mongaanbí táe moiko in koaputanbí in gogoy. Mosia in monginumbí, táe moiko in koaputan in rogang, mosia in moḷunganga, táe moiko in pokopooyáanmai.

YESAYA 8:21

Intau mita inta noiḷangkam bo ginogoi in nobaya-bayáanbí mako in kon butá tatua. Popisí in malarat in kaanon, mosia in umuran tumorú nodapot in mopogodi-godimai kon datu bo kon Allah monia. Kon ondaka in pobobuian monia, moidamonik

YESAYA 9:20

Intau in Manasye bo intau in Epraim mositubuan, bo moyotakin monayow kon Yohuda. Táe ki Tuhan in sinumorúpabí bo umuran mohukum.

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

LUKAS 13:28

Kon wakutu in mokoontong in moiko kon i Abraham, kon i Ishak bo kon i Yakub takin nabi mita mogaid kon rame kon bonu in dunia mobagu i Allah, yo mongombaḷbí in moiko sin moajar in gina monimu sin aindon inuntun pinoḷuai!

LUKAS 6:24

Táe koboditodon in moiko inta nobiag nooyúon in tanaa mako; sin moiko ain nokorasa kon inta mopia kon dunia naa!

LUKAS 6:26

Koboditodon in moiko aka komintan intau bo moduí kon inimu; sin natua doman in mogoguyang monia noduí kon nabi mita inta deeman totu-totuu nabi tungkuḷ intua.”

LUKAS 8:53

Táe kinosingan monia in Sia, sin kinotaauan monia kon minatoi bidon in adí tatua.

EPESUS 5:4

Ná doman tua, dika mosingog kon inta moromú, inta mokotor bo inta diá in baragunanea. Táe moiko in mustidon mopoyaput in sukur kon i Allah.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

YAKOBUS 4:9

Musti in moiko totu-totuu momanasaḷ bo mongombaḷ poḷat mogamui; kosingmu in baḻídon ombaḷ bo ḷungangamu in baḻídon ajar in gina!

WAHYU 3:17

Moiko in mosingog: ‘Kami in nobiag nooyúon bo bayongan in yagi-yagi komintandon oyúon; diádon in nogaat kon i nami.’ Táe diábí kinotaauan monimu kon moiko nion in nobiagbí nomalarat totok, bo totok doman in mokoajar kon gina in kaadaan monimu nion! Moiko nion in nomasiking, diá koḷambu-ḷambung, bo bilog.

SAMUEL 1 2:5

Intau inta koḻipod nobotug sin nobarong in kaanon, tanaa in nobaḻídon intau totondanan mogaid tongá bá mokouḻí kon kaanon. Intau inta koḻipod ginogoi, tanaa in noguḻídon, tugatdon in kaanon. Buḷoi inta bantó, mopiadon in ginanea in tanaa, pitu in adí pinononggadíneadon! Táe ki iná inta mobayong in ki adínea, sinaḷáandon, biniódon mako natua.