LUKAS 6:20 - Alkitab Singog In Mongondow Masa In Tanaa

²⁰ Ki Yesus inimindoi kon dumodudui-Nea mita bo nosingog nanaa, “Pia in kamang in moiko, intau mita inta nobogá, sin moiko nion in umat i Allah!

LUKAS 6:20 Iomraidhean Croise

MAZMUR 37:16

Moyakagkabí in nouḻí in intau mopia tuabí in mopia-pia nongkon kapunyaan mobayong in intau moraat.

AMSAL 16:19

Maníka bo moompá in dodia bo diá kokaoyunan, bo dika in dumudui kon intau moḷoḷatú bo mokaan kon kaoyúonan inta inagow monia.

AMSAL 19:1

Maníka bo intau bogá inta motuḻid in kobobiagnea, dika in intau bodok inta moibog monguboḷ.

YESAYA 29:19

Intau mita bogá bo mokooyá in mokorasadon bui kon kobiagan mopia inta inogoi i Allah inta mokudus Allah in Israel.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

ZEPANYA 3:12

Kon tua pomayá-Kudon mako in mogutun in tobatú bangusa inta moompá in dodia, inta mopongata in totuḷung-Ku. Mosia in motaaubí in mogutun kon tua.

ZAKHARIA 11:11

Kon singgai doman tatua dodandian tatua irabutdon. Mopopotaḷui mita in domba tatua monaridimai kon inakó, bo mosia in nonotaaudon kon ki Tuhan in koyogotdon in mosingog pinongin bayongan in aidku.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MATIUS 5:1

Naonda in ki Yesus nokoontong kon intau moantó tua, Sia notakod kon buḷud, bo naonda iḻimitú in Sia, murí-Nea mita in namangoidon kon i-Nia.

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

LUKAS 13:28

Kon wakutu in mokoontong in moiko kon i Abraham, kon i Ishak bo kon i Yakub takin nabi mita mogaid kon rame kon bonu in dunia mobagu i Allah, yo mongombaḷbí in moiko sin moajar in gina monimu sin aindon inuntun pinoḷuai!

LUKAS 14:15

Nokodongogmai kon singog i Yesus natua, oyúon tobatú intau inta nongaan noyotakin-Nea in noguman kon i-Nia, “Momujur totok in intau inta mongaan moyotakin i Allah aka Sia mamangoidon saḷaku Datu!”

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

KORINTUS 2 6:10

Umpakabí pinokuyang monia in gina nami, táe umuranbí moḷunganga in gina nami. Kami in koontongan nobiag nobogá, táe nobayongdon intau in binaḻí nami nooyúon. Koontongan kami diá kon onu bo onu, táe sabanarnea bayongan rupa-rupa oyúonbí kon i nami.

KORINTUS 2 8:2

Umpakabí mosia in kinoantugan in totungkuḷ inta totok in mobogat. Táe gina monia in tantúbí noḷunganga, sin umpaka kon bonu in roriga táe moibogpabí doman in mosia nobogoi in sumbangan pinotuḷung kon intau ibanea umpaka mosia totok doman in nobiag nobogá.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

TESALONIKA 1 1:6

Moiko in dinumuduidon kon onu inta inontong monimu inaidan nami bo inta inaidan i Tuhan. Umpaka moiko nobiag nororiga sin pinogutú totok in intau ibanea, táe Habar Mopia inta pinoyaput nami kon i monimu in sinarimabí monimu takin sanang in gina. Sanang in gina tatua in Rohobí i Allah in nobogoi.

TESALONIKA 2 1:5

Bo noniatadon kon naa kon moadilbí totok in pononantú i Allah: Lantaran moiko bo nobiagdon nororiga sin popisí noramuji tumuot kon Dunia Mobagu i Allah, dá moiko in patusdon tumuot kon dunia tatua.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

WAHYU 2:9

Kinotaauan-Kubí in yoyiga mita monimu; Kinotaauan-Kubí kon moiko in nomasiking – táe sabanarnea moiko nion in nooyúonbí! Kinotaauan-Kubí doman in bayongan inta pinonapud kon i monimu i intau mita inta dumuí intau in Yahudi, bokaka deemanbí; mosia tua in dumoduduibí in Ibilis!

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.