LUKAS 6:17 - Alkitab Singog In Mongondow Masa In Tanaa

¹⁷ Onda intua ki Yesus nosiḻig nongkon buḷud tatua takin rasul-Nea mita, bodongka sinumogon kon tampat inta notondodai. Kon tua nobarong doman in dumodudui-Nea mita ibanea bo intau mita inta namangoi nongkon ḻipú mita inta kon butá in Yudea, Yerusalem, bo kon kotá mita in Tirus bo Sidon inta kon bingkí in dagat.

LUKAS 6:17 Iomraidhean Croise

MAZMUR 103:3

Sia inta mongampung kon dosamu, inta nongundam kon bayongan in takitmu,

MATIUS 11:21

Ki Yesus noguman, Koboditodon iko Korazim! Koboditodon iko Betsaida! Sin aka intau in Tirus bo Sidon in nokoontong kon soaḷ mita inta mokoherang inta ain nobaḻí kon yua-yuak monimu, yo noonggotdon in mosia in nogogai nogaid kon dosa mita monia takin nomaké in ḷambung kinopatoian.

MATIUS 12:15

Táe kinotaauan i Yesus in raian monia tatua, dá sinaḷáan-Neadon in tampat tatua. Nobayong in intau dinumudui kon i Yesus, bo inundaman-Nea in mosia komintan.

MATIUS 14:14

Naonda in mosia sinumubu ki Yesus nokoontong kon intau nobarong totok, dá noḻiai in gina-Nea popisí in tabi-Nea kon i monia. Bo inundaman-Nea in mosia inta notakit.

MATIUS 15:21

Nobuatmai nongkon tua in ki Yesus, Sia minayá kon ḻipú in Tirus bo Sidon.

MATIUS 5:1

Naonda in ki Yesus nokoontong kon intau moantó tua, Sia notakod kon buḷud, bo naonda iḻimitú in Sia, murí-Nea mita in namangoidon kon i-Nia.

LUKAS 5:15

Táe habar soaḷ ki Yesus totokdon noisiar kon ḻipu-ḻipúannea, sahingga in nobayongdon intau in namangoi sin mokidongog kon onu in poguman-Nea bo mokiundam doman kon bayongan takit monia.

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

LUKAS 6:16

ki Yudas inta ki adí i Yakobus bo ki Yudas Iskariot inta nomaḻidawan kon i Yesus.

LUKAS 6:18

Mosia tua in namangoi sin mokidongog kon singog mita i Yesus, bo poḷat mokiundam in bayongan takit monia. Oyúon doman inta kinotoḷangan in dimukud moraat, mosia in nopia doman.