LUKAS 6:1 - Alkitab Singog In Mongondow Masa In Tanaa

¹ Kon singgai in Sabat tobatú, wakutu in ki Yesus bo murí-Nea mita noitaḻib kon gobá in gandum, murí-Nea mita nokoyut kon bungai in gandum. Sindaḷan monia inungkaan, bo poḷat kinaan.

LUKAS 6:1 Iomraidhean Croise

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

IMAMAT 23:15

Pangkoion kon mopaḷut mako in Sabat, kon dodai in moiko moposumba kon i Tuhan in bungai mita in gandum inta muna, musti iapon monimu pitu nodiminggu in motompod.

IMAMAT 23:7

Kon bonu in pitu nosinggai moiko in musti moposumba in kuruban kaanon kon i Tuhan. Kon singgai inta muna bo kon singgai noginpitu kon poramean tatua moiko in musti momia kon poyodungkuḷan sin moibada bo diápabí motaau in mogaid kon oaidan inta mobogat.

LUKAS 5:39

Natua doman, diábí intau in moibog monginum kon anggur nobagu, aka sia nonginumdon muna kon anggur inta ain sinagú noonggot, ‘Sin anggur inta ain sinagú noonggot tuabí in mopira-pira in nanamnea,’ gumannea.”

LUKAS 6:6

Kon Sabat ibanea, ki Yesus in sinumuot in Baḷoi Pososambayangan bo notundúmai kon i monia kon tua. Kon tua oyúon doman tobatú intau inta ḻimanea tosimpaḷ minatoi.

ULANGAN 16:9

“Pogintádon kon pitu nodiminggu pangkoion kon singgai dungkuḷ moiko moratab kon gandum,

ULANGAN 23:25

Aka moiko bo minayá nongin gobá in intau ibanea, yo motaaubí in moiko mokaan kon gandum inta kinoyut monimu in ḻima, táe dikabí rata bo monimu in sabit.”