LUKAS 5:7 - Alkitab Singog In Mongondow Masa In Tanaa

⁷ Mosia in dongkadon nokituḷung kon yobayat monia inta kon uangga ibanea. Dá namangoi in yobayat mita monia tatua bo noduḷu nopobonu in toyá inta noaḷap monia tua kon bonu in uangga doyowa nodapot ain tumaḷom in uangga mita tatua.

LUKAS 5:7 Iomraidhean Croise

IḶUAIAN 23:5

Aka keledai in musungmu noitungkud pinopisí mobogat in dinianea, yo tuḷungai in sia moposindog bui kon keledai tatua; dikabí taḷaanmu mako natua.

AMSAL 18:24

Oyúon in yobayat inta diá mosatia, oyúon doman in modagi-dagin nongkon utat.

MARKUS 4:36

Dá ki Yesus sinumakoidon kon uangga takin murí-Nea mita bo nonaḷámaidon kon intau mobayong kon bingkí in Danow. Uangga mita ibanea kon tua doman. Onda intua ki Yesus bo murí-Nea mita iḷumeagdon.

LUKAS 5:6

Naonda in dinuduian monia in onu inta pinoguman i Yesus, dá nokouḻí in mosia kon toyá totok in nobarong, dá aindon mobisí in landará monia tua.

LUKAS 5:8

Nokoontongmai kon natua in ki Simon inta dinonoi ki Petrus, sinumungkud in Sia kon tayowonmai i Yesus bo noguman, “Taḷaaidon in akuoi naa Tuhan! Sin akuoi naa intaubí baradosa!”

OUMAN IN RASUL MITA 11:25

Noiduduimai kon tua ki Barnabas minayádon in Tarsus notayak kon i Saulus.

GALATIA 6:2

Mosituḷungan aka mokoontong kon roriga ande oaidan in intau ibanea, sin aka tua in aidan monimu yo dinumuduidon kon parenta i Kristus in moiko.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.