LUKAS 5:4 - Alkitab Singog In Mongondow Masa In Tanaa

⁴ Nopaḷut mako in Sia nobogoi in totundú, Sia in noguman kon i Simon nanaa, “Pobotoy bo bayádon in tampat inta moḻinow bo buká bui in landarámu sin podomok kon toyá.”

LUKAS 5:4 Iomraidhean Croise

MATIUS 17:27

Táe bá kita in diá mobaḻí ḷonggai kon i monia, dá bayádon bo pongail kon danow. Onda in toyá inta moaḷapmu muna, domokdon bo buká in bibignea dá mouḻímu in doit opat nodirham kon bonunea. Gamá in doit tatua bo uboḻiaidon in pajak natonda kon Baḷoi Tuhan.”

LUKAS 5:5

Dá ki Simon in noguman, “Pak Guru, tonggobiidon naa in pinoramujian nami nodomok kon toyá, táe diá tobatúmai in noaḷap nami! Tongá naa bo ki Pak Guru in nopotabá dá duduiankudon. Bayáanku bui bukáan in landará.”

YOHANES 21:6

Ki Yesus in noguman kon i monia, “Pogarabdon in landarámu kon dotá in koḷanan uangga, dá mokoaḷapbí in moiko kon toyá.” Dá pinogarabdon monia in landará tatua, bo mosia in diádon nokougut bui sin nobarong totok in toyá kon bonunea.