LUKAS 5:38 - Alkitab Singog In Mongondow Masa In Tanaa

³⁸ Aka anggur nobagu yo bonuonbí kon botutu inta mobagu doman.

LUKAS 5:38 Iomraidhean Croise

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

MATIUS 9:17

Ná doman tua, anggur inta nobagupa in diábí motaau bonuon kon botutunea inta ain nokoyongan. Sin aka bonuon yo botutu tatua in mobokatdon bo anggur tatua in moibutak doman, bo botutu tatua in mogoguyaatdon totok. Tuamai anggur inta mobagu in bonuonbí kon tampatnea inta nobagu doman, sinbá tumpaḷa diá mogoguyaat.”

LUKAS 5:37

Ná doman tua, diábí in intau mogaḻin kon anggur nobagu kon bonu in botutu kuḻit inta nokoyongandon, sin aka natua yo anggur nobagu tatua in mokopopisíbí kon kobotakan in botutu koyongan tatua, dá anggurnea in moibutak bo botutu in mogoguyaat.

LUKAS 5:39

Natua doman, diábí intau in moibog monginum kon anggur nobagu, aka sia nonginumdon muna kon anggur inta ain sinagú noonggot, ‘Sin anggur inta ain sinagú noonggot tuabí in mopira-pira in nanamnea,’ gumannea.”

KORINTUS 2 5:17

Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.

WAHYU 21:5

Bo Sia inta iḻimitú kon tampat pomomarentaan tatua in noguman, “Tanaa komintandon binaḻí-Ku mobagu!” Sia in noguman doman kon inakó, “Paisdon in naa, sin singog mita tanaa in totuubí bo motaaubí pirisayaan.”