LUKAS 5:37 - Alkitab Singog In Mongondow Masa In Tanaa

³⁷ Ná doman tua, diábí in intau mogaḻin kon anggur nobagu kon bonu in botutu kuḻit inta nokoyongandon, sin aka natua yo anggur nobagu tatua in mokopopisíbí kon kobotakan in botutu koyongan tatua, dá anggurnea in moibutak bo botutu in mogoguyaat.

LUKAS 5:37 Iomraidhean Croise

MAZMUR 119:83

Kuḻitku in noḷubakdon naonda bo botutu in anggur inta ain nokoyongan, táe atorang-Mu in diábí koḻionganku.

MATIUS 9:17

Ná doman tua, anggur inta nobagupa in diábí motaau bonuon kon botutunea inta ain nokoyongan. Sin aka bonuon yo botutu tatua in mobokatdon bo anggur tatua in moibutak doman, bo botutu tatua in mogoguyaatdon totok. Tuamai anggur inta mobagu in bonuonbí kon tampatnea inta nobagu doman, sinbá tumpaḷa diá mogoguyaat.”

LUKAS 5:36

Nopaḷut mako kon tua, ki Yesus in nongonguman kon poumpamaan tanaa kon i monia, “Diábí in intau inta moduḷampong kon ḷambung nokoyongan takin didit inta berakon nongkon ḷambung mobagu. Sin tantú ḷambung mobagu tatua in moberakbí domandon. Bo didit in ḷambung nobagu tatua in diá bidon moyokaan in ḷambung inta nokoyongandon.

LUKAS 5:38

Aka anggur nobagu yo bonuonbí kon botutu inta mobagu doman.

YOSUA 9:13

Bo botutu mita in anggur nami naa in nobagupabí kon dodai in binonuan nami; táe tanaa, indoiaika! Ain noberak. Pakeang bo sapatu nami in nogoguyaat domandon kon binayáan inta moyayú naa.”

YOSUA 9:4

Bo mosia in noyopakatdon kon monguboḷ kon i Yosua takin aid mopobaba kon keledai monia in: karong mita inta ain nokoyongan, bo botutu mita in anggur inta nongokesekdon inta pinomia nongkon kuḻit. Bo inta mobaḻí tongkaaḷ monia, mosia in nosadiadon kon roti inta ain noingkag bo inuḷampungdon.