LUKAS 5:29 - Alkitab Singog In Mongondow Masa In Tanaa

²⁹ Naonda intua ki Lewi nomia kon bobutungan kon baḷoinea sin pinotomuannea kon i Yesus. Kon tua noantó doman in mononagi kon pajak bo intau doman baradosa ibanea nongaan noyotakin monia.

LUKAS 5:29 Iomraidhean Croise

MATIUS 11:19

Onda intua Adí Intau namangoi, Sia nongaan bo nonginum kon anggur, táe kai monimu, ‘Indoiaika, Sia in intau! Moturá bo yobayat in moigum kon pajak bo intau inta baradosa.’ Táe kawasa i Allah pinoponiata kon i-Nia.”

MATIUS 5:46

Táe aka moiko bo tongá motabi kon intau inta motabi doman kon inimu, onubí in mangaḻenea? Diá kinotaauan monimu degá kon mononagi mita doman kon pajak mogaid doman kon natua?

MATIUS 9:10

Bo naonda in ki Yesus nongaan kon baḷoi i Matius, namangoidon doman in intau mita ibanea inta mononagi kon pajak bo intau mita baradosa bo nongaan noyotakin i Yesus bo murí-Nea mita.

MATIUS 9:9

Naonda in ki Yesus minayá nongkon tua, Sia nokoontong kon tobatú intau tangoinea in ki Matius inta iḻimitú mako kon kantor in pajak. Ki Yesus in noguman kon inia, “Duduidon kon i-Nakó.” Dá ki Matius in sinimindog doman bo dinumudui.

MARKUS 2:15

Wakutu in ki Yesus koyogot nongaan kon baḷoi i Lewi, nobayong mononagi mita kon pajak bo intau mita inta inanggap diá mopia i intau moantó, nongaan noyotakin i Yesus bo murí-Nea mita. Sin nobayong in kon sigad monia tua in dinumudui kon i Yesus.

LUKAS 15:1

Kon singgai tobatú, nobayong in mononagi kon pajak bo intau mita baradosa ibanea namangoi kon i Yesus, sin mokidongog kon i-Nia.

YOHANES 12:2

Kon tua, ki Yesus inoḷudan monia, ki Marta in nogoḷud kon kaanon tatua. Ki Lazarus bo mokokiangoi mita in iḻimitú nongaan noyotakin i Yesus.

KORINTUS 1 10:27

Aka moiko bo inoiní in intau inta diá mopirisaya kon i Yesus sin mongaan moyotakin monia, bo minayá in iko, yo kaanbí onu in inoḷud monia kon inimu. Kumudungbí in mongaan. Dikadon moḻibó mongo nouḻí kon onda in kaanon tatua, sinbá mopia in pongongaan monimu.