LUKAS 5:27 - Alkitab Singog In Mongondow Masa In Tanaa

²⁷ Onda intua ki Yesus iḷumuai bo nokoontong kon intau mononagi kon pajak, tangoinea in ki Lewi, inta ḻimitú mako kon kantornea. Ki Yesus in nogoiní kon inia, “Duduidon kon i-Nakó”.

LUKAS 5:27 Iomraidhean Croise

MATIUS 10:3

Ki Pilipus bo ki Bartolomeus, ki Tomas bo ki Matius inta mononagi kon pajak, ki Yakobus ki adí i Alpeus, ki Tadeus;

MATIUS 16:24

Bo ki Yesus in noguman kon murí-Nea mita, “Pomuḷoi intau inta moibog dumudui kon i-Nakó, sia in musti monaḷámai kon oaidannea tontaní bo momotaan kon roriganea, bo dumudui kon i-Nakó.

MATIUS 8:22

Táe ki Yesus in notubag: “Duduidon kon i-Nakó, bo pomayádon mako intau minatoi moḷobong kon intau minatoi monia.”

MARKUS 3:18

ki Andreas, ki Pilipus, ki Bartolomeus, ki Matius, ki Tomas, ki Yakobus ki adí i Alpeus, ki Tadeus, ki Simon intau in Zelot,

LUKAS 18:22

Nokodongogmai kon tua in ki Yesus, noguman in Sia nanaa, “Tobatúpa in musti aidanmu: Potaḷuidon in bayongan kapunyaanmu bodongka sila-silaidon mako in doit tatua kon intau mita bogá, dá mokouḻíbí in iko kon kapunyaan kon soroga. Mopaḷut mako kon tua angoi bo duduidon kon i-Nakó.”

YOHANES 1:43

Nopoikoḷomai kon singgai ki Yesus in nonantúdon kon mayá in Galilea. Sia in noyodungkuḷ i Pilipus. Ki Yesus in noguman kon i Pilipus, “Koḻigai duduidon kon i-Nakó!”

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”